Dáýren Abaev álemdik úkimet sammıtine qatysty

Mınıstr sapar sheńberinde II «Baqytty jahandyq dıa­log» atty jumys kezdesýine qatysty. Is-shara barysynda azamattarǵa sapaly memlekettik jáne áleýmettik qyzmet kórsetý máseleleri talqylandy. Jıynǵa qatysýshylar BUU-nyń «Tutastyq kózqaras» baǵytyna qol jetkizý úshin álemdik yntymaqtastyqty kúsheıtý qajettigine toqtaldy. Sondaı-aq birlesken kúsh-jigerdiń mańyzdylyǵy da atalyp ótti.

Forýmnan keıingi kezdesýlerde jasandy ıntellekt pen ja­handyq sıfrlandyrýǵa qa­tys­ty túıtkilder talqylandy. Jıyn qorytyndysy boıynsha Kosta-Rıka, Portýgalııa, Slo­venııa, Qazaqstan, Birikken Arab Ámirlikteri jáne Meksıka memleketteriniń birikken «Baqyt­tyń koalısııasyn» qurý týraly memorandýmǵa qol qoıyldy.

Budan bólek, D.Abaev BAÁ-niń Baqyt jáne órkendeý máse­leleri jónindegi mınıstrimen eki­jaq­ty kezdesý ótkizdi. Ta­rap­­­tar aqparattyq-kommý­nı­­ka­sııalyq tehnologııalar men sıfrly qyzmetter sal­asyn­daǵy birlesken jobalardy il­geriletý týraly kelisimge qol jetkizdi. Sonymen qatar memlekettik qyzmet salasynda yntymaqtastyq ornatý máse­leleri talqylandy.

Dýbaıda ótip jatqan bıyl­ǵy Álemdik úkimet sammıti «K­ele­shektegi úkimetterdi ózger­tý» uranyn ustanady. Sammıt  búkil álemde bolashaq úkimetti qalyptastyrýǵa arnalǵan jahan­dyq tuǵyrnama sanalady. Jıyn barysynda jyl saıyn adamzat aldynda turǵan pro­b­lemalardy sheshý úshin ınnovasııalar men tehnologııalardy qalaı paı­dalaný kerek ekenine basa nazar aýdara otyryp, úkimettiń ke­lesi tolqynyna ózekti mindetter qoıylady.

Sondaı-aq memlekettik qyz­met, basqarý jáne ınnovasııa sala­syndaǵy bolashaq úrdister talqylanady. Jyl saıyn sammıtke 130-dan astam eldiń memleket basshylary, saıasatkerler, ǵalymdar men halyqaralyq uıymdar ókilderi qatysady. Sammıtte tájirıbe alysyp, ınnovasııalyq jańalyqtardy bólisýge, turaqty baılanystar ornatýǵa múmkindik mol.

Abaı ASANKELDIULY,
«Egemen Qazaqstan»