Aksııanyń tusaýy aqyn esimimen ulyqtalatyn gýmanıtarlyq kolledj janyndaǵy jalpy bilim beretin mektep-lıseıde kesildi. «Rýhanı jańǵyrý» baǵdarlamasy sheńberinde ótken basqosýǵa muǵalimderdiń biliktiligin arttyrý ınstıtýty fılıalynan, Jumabaev aýdanynan ókilder, stýdent-jastar qatysyp, shaıyrdyń ómiri men shyǵarmashylyǵynyń beımálim syrlary áńgimelendi. Mektep-lıseı ujymy «arystandaı aıbatty, jolbarystaı qaıratty» izbasarlar daıyndaý jolynda qalyptasqan tájirıbelerin ortaǵa saldy. Jumys istep kele jatqannan beri 15 túlek «Altyn belgige» ıe bolǵan. Respýblıkada «100 úzdik mektep» qataryna engen.
Mereıtoı qarsańynda keń qanat jaıǵan is-sharalarǵa Shal aqyn, Jambyl, Esil, Tımırıazev, Qyzyljar aýdandary qyzý ún qossa, endi, mine, «Aqyn júrgen jerlermen» aksııasy óz saparyn týǵan jerinen bastaıtyn bolady. Odan ári estafeta aýdandarǵa kezektesip jalǵasyp otyrady. Aksııaǵa qatysýshylar «Jyr qorjyny» kitabyn ózerimen birge alyp júredi. Onda jas aqyndardyń arnaý jyldarymen qosa turǵyndardyń izgi tilek-ótinishteri de toptastyrylady. M.Jumabaev aýdandyq bilim bóliminiń jetekshisi Rysjan Nurǵalıevanyń aıtýynsha, 45 mektepte bilim alatyn 3700-ge jýyq shákirt arasynda Maǵjannyń jyrlaryn bilmeıtinder kemde-kem. Jas býyndy otansúıgishtikke tárbıeleýde jolyndaǵy mańyzy aıryqsha.
«Maǵjan júrgen jerlermen» estafetasy aqynnyń týǵan kúni qarsańynda qorytyndylanyp, keń aýqymdy is-sharaǵa ulasady.
О́mir ESQALI,
«Egemen Qazaqstan»
Soltústik Qazaqstan oblysy
