Erjan Saltybaev: Naqty qajettilikterdi eskergen bastama

Prezıdent jarııalaǵan bes bastamanyń árqaısysy óziniń mazmuny boıynsha aıqyn. Olar memlekettiń áleýmettik saıasat júıesiniń, kóptegen memlekettik resýrs­tar baǵyttalǵan, naqty bel­gilengen salalardyń (joǵary bilim berý, turǵyn úı qurylysy, t.b.) aı­tar­lyqtaı jańarýyn bildiredi.

Birinshiden, ıpotekalyq kredıtteý qaıta jandandyrylýda. El úshin qıyn ekonomıkalyq jaǵdaılarǵa qaramastan, memleket ǵalamat sharalar qoldanýda. «7 – 20 – 25» baǵdarlamasy aıasynda ıpotekany arzandatý – bul júz myńnan astam jas otbasylar úshin tıimdi múmkindik.

Ekinshiden, jalpy jańǵyrtý jolyna bilim berý granttaryn kóbeıtý josparlanǵan. Jańa 20 myń bıýdjettik grant, eń aldymen, aýyl jastarynyń jo­ǵary bilim alýyna jol ashady. Sıfrlandyrý trendterimen ilesetin ındýstrııalyq damý úshin qajet ınjenerlik-tehnıkalyq kadrlardy daıyndaýǵa asa erekshe kóńil bólinedi.

Úshinshiden, turǵyn úı qury­lysy men bank sektorlaryn qol­daý arqyly barlyq ekonomı­kalyq júıe úshin mýltıp­lıka­tıvtik nátıjege bir mezgilde qol jetkiziledi. Jalpy qurylys ındýstrııasynda jańa ósimdi kútýge bolady. Bul on myńnan astam jańa jumys oryndarynyń paıda bolatynyn bildiredi.

Tórtinshiden, mıkrokredıt­teýdi, qamtýdy jyl saıyn 7 myńnan 14 myńǵa deıin ulǵaıtyp, eki ese kóbeıtý ózin-ózi jumyspen qamtyǵan halyqtyń máselelerin sheshýge múmkindik beredi.

Qazirgi tańda Qazaqstan sa­lyq salý mólsherlemesi tómen mem­leket ekenin aıtyp ótken jón. Biraq salyq júktemesin jalaqy­sy tómen adamdar úshin 10 ese, ıaǵnı 1%-ǵa deıin tómendetý – mem­leket tarapynan jasalǵan túbe­geıli shara, 2 mln-nan astam adam sol sh­aranyń benefısıarlaryna aınalady. Jalpy alǵanda, zamanaýı álem jaǵdaılarynda Elbasynyń bastamalaryna teń­des sharalar joq.

Prezıdent elimizge Kons­tıtýsııada berilgen anyqtamany – áleýmettik memleketti – sózben emes, ispen shyn máninde júzege asyrýda. Uzaqmerzimdi turaqty damý úshin berik negiz bolyp tabylatyn adam kapıtalynyń ósýine alǵysharttar men elimiz­diń barlyq azamattary úshin sapaly áleýmettik jaǵdaılar jasaıtyn búgingi bastamalar sol anyqtamaǵa tolyqtaı sáıkes keledi.

Erjan SALTYBAEV,
Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń (ÁESI) dırektory