Prezıdent Úndeýine oraı Aqtóbe oblysynda aktıv jınalys ótti

Bul rette birinshi bastamaǵa toqtalsaq, qazirgi kúni óńirde 32 myń adam baspana alý kezeginde tur. Onyń 22 myńǵa jýyǵy – Aqtóbe qalasynyń turǵyndary. Osy máseleni sheshý úshin byltyr oblysta tuńǵysh ret 793 myń sharshy metr turǵyn úı paıdalanýǵa berildi. Bıylǵy meje eń kem degende 850 myń sharshy metr baspana salý bolatyn. Áıtse de aktıv jınalysynda Prezıdent Úndeýine sáıkes qosymsha mindetter belgileý qajet­tiligi aıtyldy. Aldaǵy kez­de qolǵa alynatyn jumys osy maqsatqa arqa súıeýge tıis. Al óńir turǵyndarynyń nesıe tóleý múmkindigi qandaı bola­dy degen máselege kelsek, bul úshin birinshi kezekte jańa bas­tamanyń baspanaǵa qol jet­kizýdegi tıimdiligi týraly keń aýqym­dy túsindirý jumystary birinshi kezekke qoıylmaq.

Elbasy usynǵan ekinshi bas­­ta­maǵa kelsek, jalaqysy tómen jumysshylardyń eńbek­aqy­syn kóbeıtý jóninde oblys­ta bu­ǵan deıin de is-sharalar keshe­ni bel­gilenip, ótken jyl­men salys­tyrǵanda bıyl olardyń jal­aqysy 15 paıyzǵa kóterildi. Bul jóninde gazetimizde ótken apta­lardyń birinde «Jumys­shy jalaqysy jóninde birer sóz» degen saraptamalyq maqalada ja­rııa­landy. Jańa mindetke oraı aldaǵy ýaqytta 100 myń­nan as­tam jumysshy tıisti jeńil­dikter almaq. Bul rette aı­maq­taǵy atqarýshy bılik pen ádi­let jáne salyq organdaryna jańa mindetter júktelgen. Is nátı­jeli bolýy úshin árbir aqtóbelik turǵynnyń naqty kirisin mu­qııat esepke alý kózdelgen. Aktıv jı­na­lysynda úshinshi basta­maǵa sáıkes Aqtóbedegi joǵa­ry jáne ar­naýly oqý oryn­dary bas­shy­lary­nyń qatysýy­men oblys ákim­digi kadrlarǵa degen qa­jet­t­ilik mólsherin aı­qyndaý­dy uı­ǵa­­ryp otyr. Sony­men birge óńir­­diń qansha grant alý kerek­tigi Bilim jáne ǵylym mınıstr­li­gi­­men birlesken túrde júzege asyrylmaq.

Aktıvte atap kórsetilgendeı, qazirgi kúni aımaqtaǵy bilim berý uıymdarynda elý myńǵa jýyq stýdent bilim alady. Ashyǵyn aıtqanda munda oqýshy-stý­dent­terdi jataqhanamen qamtý deńgeıi tómen. Aıtalyq arnaýly orta bilim beretin oqý oryndarynda bul kórsetkish shamamen 18 paıyz bolsa, kolledjderde 40 paıyz tóńireginde. Joǵary oqý oryndarynda shamamen 37-40 paıyz. Sondyqtan da búgingi tańda oblysta birinshi kezekte jataqhanany qajet ete­tin stýdentterdiń kontıngentin anyqtap alý qajettiligi týyndaıdy. Buǵan páter jaldaıtyn nemese aǵaıyndarynyń úıinde turatyn stýdentter de kirýi tıis. Aldaǵy ýaqytta osynyń bári esepke alynyp, soǵan sáıkes tıisti qujattar ázirlenbek.

Úndeýde aıtylǵan tórtinshi basym­dyq – shaǵyn jáne orta bız­nesti qoldaý jóninen Aqtóbe res­pýblıka oblystary ara­sy­n­­da aldyńǵy lekte tur. Bul kór­­­set­­kish óńirdegi eko­no­­mı­­­ka­lyq bel­sendi turǵyn­dar­­dyń 31 pa­ıy­­zyn quraıdy. Byl­tyr ob­lys­­ta shaǵyn nesıeleý bo­ıy­n­sha eki jarym mıllıard teń­­ge qara­­jat jumsalǵan. Sol sekil­­di «Ata­meken» ulttyq pala­ta­sy­­men bir­lese atqarylǵan «Bas­taý» jo­basy aıasynda ju­my­sy joq­tar­dy oqytýǵa múm­­kin­­dik­ter týǵy­zyl­ǵan. Búgin­gi kúni osy joba boıynsha 1500 adam oqy­ty­lýda. Onyń 31 pa­ıyz­ǵa jýy­ǵy jumysqa orna­las­­tyryl­ǵan. Shaǵyn jáne orta bız­nes­ke beri­le­t­in nesıe qara­ja­ty kólemin kó­beı­tý más­ele­­sine kelsek, buǵan taǵy da qo­sym­sha 20 mıl­lıard ten­ge bólinbek. Ásirese bul isti aýyl­­dyq jerde odan ári jaqsartý men jand­andyrýǵa basymdyq­tar be­ril­­gen. Bul isten jumys­pen ózin-ózi qamtıtyndar da tys qalmaıdy.

Prezıdent Úndeýindegi soń­ǵy bastama eldi gazben qam­tamasyz etý bolsa – oblys­ta bul kór­setkish 88 paıyzdy qu­raı­dy. Bul respýblıkalyq deń­geı­den 33 paıyzǵa joǵary. Qazirgi maq­sat 2020 jylǵa deıin oblys halqynyń 95 paıyzyn kógil­d­ir otynmen qamtamasyz etý bol­maq. Aktıv jınalysynda oblys­tyq máslıhattyń depýtaty Amankeldi Esirkepov bes áleýmettik bastamada qoıylǵan mindetterdi sheshý álemdegi 30 eń jaqsy damyǵan eldiń qata­ryna kirýdiń basty kepili eke­ni­ne toqtaldy. Kelesi kezekte Q.Jubanov atyndaǵy Aqtóbe óńir­lik memlekettik ýnı­ver­sı­teti­niń rektory Baýyrjan Er­­den­bekov óndiriske qajetti mamandardy daıarlaý úshin joǵary oqý ornynda barlyq jaǵ­daılar bar ekenin atap kórsetti. Bul úshin buǵan deıin de óndiris oryn­­d­ary basshylarymen tıisti keli­­sim­­der jasalǵan. Stýdentter so­ǵan sáıkes bilim alýda. Prezı­dent bas­­­ta­­masyna oraı bul istiń aýqy­­­my al­daǵy kezde odan ári ulǵaımaq.

Aqtóbe qalasyndaǵy «Lıýks Hostel» JShS dırek­tory Janna Altynbaeva elimizde Elbasy tarapynan shaǵyn jáne orta bıznesti damy­tý­ǵa kór­setilip kele jatqan qol­daý­dyń shapaǵatyn sezinip júr­genin jetkizdi. Aktıvti oblys ákimi Berdibek Saparbaev qory­tyn­dylap, Úndeýde aıtyl­ǵan bas­tamalardy tolyqtaı oryndaý úshin bir jaǵadan bas, bir jeń­nen qol shyǵaryp, qoıan-qoltyq bir­lese eńbek etý qajettiligi jónin­de túıin jasady.

Temir QUSAIYN,

«Egemen Qazaqstan»

AQTО́BE