Birinshi bastamadaǵy «7 – 20 – 25» baǵdarlamasy, ıaǵnı turǵyn úı alý barysynda nesıeniń paıyzdyq mólsheri 7 paıyzǵa jáne alǵashqy tólemi 20 paıyzǵa túsirilip, ony 25 jylǵa deıin tóleýge múmkindik berip otyr. Bul óz kezeginde bizdiń óńirimizde kezekte turǵan myńdaǵan adamǵa, osy baǵdarlama arqyly turǵyn úı alýǵa jol ashady. Sonymen birge óńirde turǵyn úı qurylysynyń damýyna úlken serpin bere otyryp, óńirdiń damýyna, shaǵyn orta bıznestiń óristeýine jáne jańa jumys oryndarynyń ashylýyna múmkindik beredi.
Elbasymyz ekinshi bastamasynda jalaqysy tómen qazaqstandyqtardy qoldaý úshin salyq júktemesin 10 esege azaıtyp, 1 paıyz ǵana salyq salýdy usyndy. Bul jalaqysy az Qazaqstan azamattary úshin úlken qoldaý. Naryq baǵasy aılyq aıyrmashylyqty alǵa tartyp otyrǵany jasyryn emes, osy turǵydan alǵanda bul máseleniń salyq salasynda eskerilgeni durys-aq.
Úshinshi bastamada stýdent jastardyń jataqhanadaǵy jaǵdaıyn jaqsartýdy, sonymen birge jastardyń oqý aqysyn tóleýde jeńildik bolý úshin, qosymsha 20 myń grant bólýdi usyndy. Bul óńirimizdegi densaýlyq, bilim salasynda qajetti mamandarmen qamtamasyz etýge, qajetti tehnıkalyq mamandardy tartýǵa múmkindik beredi. Sonymen birge oblys ortalyǵy – Aqtaý qalasyndaǵy stýdentterdi jataqhanamen qamtýǵa, olardyń jaqsy bilim alýyna, turmys jaǵdaıyn jaqsartýǵa jol ashady.
Sondaı-aq shaǵyn nesıe berýdi kóbeıtý bastamasy jappaı kásipkerlikti damytýǵa, ásirese aýyldaǵy jastardy kásipkerlikke baýlýǵa sep bolady. Bul naryqtyq ekonomıka talaby, el damýy, turǵyndardyń jumyspen qamtylýy úshin mańyzdy másele. Kásipkerlerdi qoldaý qory arqyly shaǵyn nesıe berý árbir azamatqa óziniń kásibin ashyp, múmkindigin iske asyrýǵa tıimdi bolary sózsiz.
Besinshi bastama retinde eldi gazben qamtamasyz etýdi jalǵastyrý jaıy aıtyldy. Bul – elimiz úshin ózekti másele. Bizdiń oblysymyz tolyqtaı gazben qamtylǵanymen, ortalyq jáne soltústik óńirler áli de gazsyz otyr. Barlyq óńirdi gazben qamtý qazaqstandyqtar úshin qýanyshty habar ekendigi sózsiz. Onyń ishinde elordamyzdy, bıyl 20 jyldyq mereıtoıy toılanǵaly otyrǵan Astana qalasyn gazdandyrýdy, ekologııalyq jaǵdaıyn jaqsartýdy Mańǵystaý jurtshylyǵy biraýyzdan qoldaıdy.
Serikbaı TRUMOV,
Mańǵystaý oblystyq máslıhatynyń hatshysy
Mańǵystaý oblysy
