Qazaqstandyqtardyń basym bóligi saılaýǵa barady

Jaqynda «Demokratııa ınstıtýty» 2012 jyldyń 15 qańtarynda ótetin Qa­zaqstan Respýblıkasy Parlamenti Máji­li­siniń saılaýyna baılanysty qoǵamdyq pikirdi zerttegen áleýmettik saýaldama júrgizdi. Suraý salýlardyń nátıjesine súıensek, turǵyndardyń qazirgi kezdegi elektorattyq belsendilik deńgeıi 61,3 paıyzdy quraıdy. «Eger saılaý aldaǵy jeksenbide óter bolsa siz oǵan barasyz ba?» degen saýalǵa respondentterdiń 52,1 paıyzy «ıá» dep naq jaýap berse, taǵy 9,2 paıyzy saılaýǵa daýys berýge nıetti ekendikterin tanytqan. «Eger saılaý aldaǵy jeksenbide ótken jaǵdaıda siz qaı partııaǵa daýys bergen bolar edińiz?» degen saýaldan partııalardyń reıtıngi tómendegishe kórinis beredi: «Nur Otan» halyqtyq-demokratııalyq partııasy – 75,7 paıyz; Qazaqstannyń «Aq jol» demokratııalyq partııasy – 7,5 paıyz; «Azat» JSDP – 2,1 paıyz; Qazaqstannyń Kommýnıstik halyqtyq partııasy (QKHP) – 2 paıyz; «Ádilet» demokratııalyq partııasy – 0,9 paıyz; Patrıottar partııasy – 0,9 paıyz; Qazaqstannyń «Aýyl» sosıal-demo­kra­tııalyq partııasy – 0,8 paıyz; «Rýhanııat» partııasy – 0,1 paıyz. – Jyl boıy júrgizilgen monıtorıngtiń  nátıjeleri kórsetip otyrǵanyndaı, qazaq­standyqtardyń elektorattyq belsendiligi­niń joǵary deńgeıin eskere kelgende, el saıası partııalaryna ózderiniń elektorattyq áleýetin keńeıtýge tolyqtaı múmkindikteri bar, – dep esepteıdi «Demokratııa ınstıtý­ty­nyń» jobalar boıynsha dırektory Iýlııa Kýchınskaıa. Anketalyq saýaldamaǵa Qazaqstannyń barlyq óńirlerinen, Astana men Almaty qalalarynan 1500 respondent qatysty. Tańdaý aýytqýshylyǵy +2,5 paıyz. Saýaldama agenttiktiń óz qarajaty esebinen júrgizildi. «Egemen-aqparat».