Bes áleýmettik bastama – jastardy qoldaýdyń aýqymdy jobasy

Basqasha aıtqanda, atalǵan máseleler jaı ǵana mem­le­kettiń áleýmettik jaýapkershiliginiń beınesi men min­detterdiń aǵymdyq oryndalýy emes, bul dál qazir adam­darǵa qajet bolyp turǵan jaǵdaıattar.

Memleket basshysynyń áleýmettik bastamalary jas­tar saıasatyn naqty iske asyrýdyń teńdessiz sharalary ekenin atap ótken jón.

Jekeleı alǵanda, jas otbasylardy qoldaý úshin sapaly jańa áleýmettik ıpoteka usynyldy. Ortasha statıs­tıkalyq turǵynnyń qarjylyq júktemesi men shynaıy múmkindikteri turǵysynan qaraǵanda, «7 – 20 – 25» baǵdarlamasy barynsha ıkemdi tetik. Mundaı amalmen bir ýaqytta birneshe máseleni sheshýge bolady.

Birinshisi – bank sektoryn qoldaý jáne jandandyrý. Túptep kelgende, Qazaqstandaǵy ıpotekalyq nesıelendirýdiń arzandaý baǵytyna qaraı ózgerýiniń bastamasy qalanýda. Iаǵnı paıyzdardyń tómendigi men zaemdardyń uzaq merzimdiligi. Osy kúnge deıin osyndaı artyqshylyqqa ıe bolǵan tek memlekettik Turǵyn úı qurylys jınaq bank edi. Biraq munyń óz sharttary bar ekenin eskerý qajet, onyń negizinde «ózara járdemdesý kassasy» qaǵıdasy jatyr.

Endi arzan ıpoteka berýge ekinshi deńgeıli bankter de qosyla bastaıdy.

Ekinshiden, barlyq turǵyn úı qurylys naryǵy jan­dana­dy. Birinshi kezekte munda memleket tarapynan osy sala­­daǵy jumys ornynyń qysqarýyn boldyrmaýǵa tal­­py­nys jasalýy óte mańyzdy bolyp tur. Osy áleýmettik táýe­k­el­der taıaý jyldarda óz nátıjelerin kórsetetin bolady.

Sonymen qatar turǵyn úı qurylysymen birge túrli salalyq óndirister de damıdy. Bul óz kezeginde jastar úshin jańa jumys oryndarynyń ashylýyna múmkindik beredi.

Orazǵalı SELTEEV,
Álemdik ekonomıka jáne saıasat ınstıtýtynyń (ÁESI) jetekshi sarapshysy