Kez kelgen memleket óz azamattarynyń ál-aýqaty artqanyn, árbir otbasynyń baspanamen qamtamasyz etilýin meje etedi. Naq osy másele Elbasynyń «Árbir otbasyna baspana alýdyń jańa múmkindikterin berý» dep atalǵan birinshi bastamasynda kórsetilgen, bul bizdiń azamattarymyzdyń baspanaly bolýǵa degen múmkindigin keńeıtedi.
Baspanaǵa qol jetkizý árbir adamnyń, árbir otbasynyń armany desek, qatelese qoımaspyz. Sondaı-aq ol búgingi kúnniń eń basty máselesine aınalǵan. О́ıtkeni óz úıiń, óz páteriń – turaqtylyq pen tynyshtyqtyń kepili, otbasy qurýdyń, otbasy múshelerin kóbeıtýdiń irgetasy.
Ulttyq ekonomıka mınıstrligi Statıstıka komıtetiniń málimeti boıynsha, elimizde turǵyn úımen qamtamasyz etý sońǵy bes jylda úzdiksiz ósip otyrǵan. Sonymen birge turǵyn úı qoryn damytý da arta túsken. Mysaly ótken jyldyń ózinde ǵana jalpy kólemi 11,2 mıllıon sharshy metr turǵyn úı paıdalanýǵa berilipti. Elbasy muny rekordtyq kórsetkish dep atady. Degenmen bul búgingideı ishki jáne eńbek mıgrasııasy artyp otyrǵan kezde azdyq etedi. Onyń ústine elimizdiń demografııalyq saıasatyna asa mán berilip otyrǵan kezeńderde halyq sanyn qolaıly turǵyn úısiz, qazirgi zamanǵa saı páterlersiz kóbeıtý taǵy múmkin emes.
Prezıdent óziniń jyl saıynǵy Joldaýlarynda jáne osy jolǵy halyqqa arnaǵan Úndeýinde de baspanaǵa qoljetimdilikti arttyrýǵa jaǵdaı jasaý qajettigin atap ótti. Memleket basshysy osyǵan baılanysty turǵyn úı ıpotekasy qalyń kópshilikke jappaı qoljetimdi bolýynyń mehanızmin jasaýdy tapsyrdy. Osy tapsyrma elimizdiń turǵyndaryna, ásirese, jastarǵa úlken úmit syılap otyr.
Shahısmaıl ASIEV,
«Ahyska» túrik etnomádenı birlestigi tóraǵasynyń orynbasary
