Eýrazııalyq top «Týǵan jer» baǵdarlamasyn túletedi

Qostanaı, Pavlodar, Aqtóbe jáne Qaraǵandy oblys­ta­ry – Qazaqstandaǵy eń iri hol­dı­ng­terdiń biri Eýrazııalyq top qyz­met etetin óńirler. Jyl saıyn osy oblystardy damytý úshin ERG mıllıardtaǵan teńge bóle­di. Sońǵy bes jylda ERG Qazaq­stan­da qaıyrymdylyq pen de­meý­shi­likke 71 mıllıard teńge jum­sa­dy. De­genmen, «Týǵan jer» baǵ­dar­lamasy tek demeýshilik kómek­pen ǵana shektelip qoımaıdy, onyń aýqymy áldeqaıda keń.

Baǵdarlama aıasynda kompanııa qyzmet etetin aımaqtarda áleý­met­tik mańyzy bar jobalardyń damýyna qoldaý kórsetedi ári yntalandyrady. Bıyl Aqtóbe, Qostanaı jáne Pavlodar oblystarynyń basshy­larymen memorandýmdarǵa qol qoıyldy jáne olardyń árqaısysy qoldaýdyń mańyzdy baǵyttaryn aıqyndady.

Mańyzy erekshe jol

Aqtóbe oblysynda 2018 jyly ERG tarapynan áleý­met­tik mańyzdy jobalardy qar­jy­lan­dyrý kólemi ótken jylmen salys­tyr­­ǵanda 2 ese derlik artyp, 2 mlrd teńgeni quraıdy. Aımaqtyq, tip­ti respýblıkalyq mańyzy bar aýqymdy jobalardyń biri – Jińish­ke stansasynyń mańyndaǵy jol to­rabynyń qurylysy.

– Tórtinshi balqytý sehynyń, jańa zaýyttyń qurylysyna jáne ón­diris kóleminiń ulǵaıýyna baılanysty zaýytta temir joldardy keńeıtý jobasy boldy. Sáıkesinshe eski zaýytta 5 shaqyrym temir jol salynǵan edi. Jińishke stansasynan qabyldaý-jóneltý joly bireý ǵana bolǵandyqtan, jumysty jyldamdatý úshin ekinshi jol salý týraly sheshim qabyldandy», – dedi temir jol sehynyń bastyǵy Nurbolat Ahmetov, – Sondaı-aq jumysty jedeldetý úshin, keıinirek oblys bas­shylyǵy temir jol arqyly jol ótkelderin salý týraly sheshim qa­byl­dady, ol bizdi Jińishke stansasymen baıla­nystyrady. Bul jol ótkelderi Aqtóbe ferroqorytpa zaýyty men Jińishke stansasy arasyndaǵy tehnologııalyq úderisti jedeldetýdi qamtamasyz etedi.

Kóptegen pikirtalastar men jos­­par­lardan keıin, ERG qarjy­laı qoldaý­ynyń arqasynda 2017 jyl­dyń kókteminde jol ótkel­de­riniń qurylysy bastaldy. Jobany aǵymdaǵy jyly aıaqtaý josparlanýda.

– Jol ótkeli basyp ótetin tas jol – halyqaralyq mańyzy bar ba­ǵyt. Al osy jol ótkeliniń saly­nýy kólikterdiń joldan ótýin je­­ńil­detedi. Bul ótkelde endi­gári kep­­te­lis bolmaıdy, sebe­bi kó­likter aǵy­ny úlken jáne Ji­ńish­ke stansasyn­da vagondardy shy­ǵar­ǵan kezde ót­­kel jabylady – de­gen Nurbolat Ahmetov Aqtóbe qala­synyń tur­ǵy­ny retinde qýa­nyshyn jasyrmady.

Budan bólek, bıyl ERG qar­jysyna Hromtaýdaǵy ortalyq stadıonǵa kúrdeli jóndeý júr­gi­ziledi. Eýrazııalyq toptyń resý­rs­taryna salynǵan stadıon jáne saý­yqtyrý-dene shynyqtyrý kesheni búkil qalanyń salamatty ómir saltyn qalyp­tas­tyrý ortalyǵyna aınaldy. Hromtaý jastary endi kafelerde ýaqyt ótkizýdiń ornyna, trenajer zalyna barýdy jón sanaıdy.

– Stadıon qalanyń júregi tá­riz­di, keshqurym kóptegen qara­paı­ym adamdar, sportshylar jına­la­dy. Meniń oıymsha bul iste Eýra­zııalyq Top kóp eńbek sińirdi. Ashyl­ǵanyna bıyl 17 jyl tolatyn saýyqtyrý keshenine shynynda da jastar óte kóp keledi. Adamdar munda sportzalǵa baryp, basseı­n­ge túsedi. Saýyqtyrý-dene shy­nyq­ty­rý keshenine Hromtaý qalasynyń barlyq turǵyndary kele alady, ba­la­larǵa aqysyz, Dóń TKBK qyz­met­kerleri úshin barlyǵy te­gin, – dep SDSh ádiskeri Elena Mıt­ro­fa­nova óz jerlesteriniń qýa­ny­shymen bólisti.

Sondaı-aq Dóń TKBK, Aqtóbe jáne Hromtaýdaǵy mádenıet úı­le­rin, sporttyq jáne saýyqtyrý ke­shenderin, mádenıet nysanda­ry men aı­maqtaǵy basqa da mańyzdy jobalardy mamandarmen qamtamasyz etýshi Hromtaý ken tehnıkalyq kolle­djine qoldaý kórsetý dástúrin Eý­ra­zııalyq Top jal­ǵas­tyrýda. Aq­tóbede jaıaý júrgin­shiler jol­dary men kólik joldaryna asfalt tó­seý, aýlalardy abattandyrý, sport­tyq jáne oıyn alańdaryn or­natý jáne Hromtaýdaǵy ortalyq saıabaqty qaı­ta salý úshin bıyl qarajat bó­linedi.

– Bizdiń qyzmetkerlerimizdiń bas­­tamasy boıynsha Aqtóbe obly­sy­nyń turǵyndaryna jaı­ly jaǵ­daı jasaýǵa jáne ómir­le­rin jaq­sar­týǵa baǵyttalǵan kóp­tegen jo­balar m­emorandýmǵa engi­z­ilge­ni­ne óte qýanysh­ty­myz. О́ıt­ke­ni olar osynda turady jáne Aq­tó­be men Hromtaýǵa óz týǵan je­ri retinde qaraı­dy, – dep atap ót­ti ERG dırektorlar keńesiniń tór­aǵa­sy Aleksandr Mashkevıch.

Keshegige qurmet, keleshekke qamqorlyq

Pavlodar tústi metallýrgııa kolle­djiniń stýdentteri oqý jy­lyn qýanyshty oqıǵa­men bastady. Stý­dentter Eýrazııalyq Toptyń qa­ty­sýymen salynǵan jańa jataq­hanaǵa qonystandy.

Balqytylǵan tuzdar elektro­lı­ziniń bolashaq mamany, 3-kýrs stý­denti Estan Nurjanov Pav­lo­dar­ǵa Sharbaqty aýdanynan ke­lip­ti.

– Eki jyldan beri páter jaldap turýyma týra kelgen edi, sol sebepti jataqhana salynǵanyna óte qýanyshtymyn. Turmysqa óte qolaıly, jaıly, yńǵaıly. Qazirgi ýaqytta dýaldy oqytý aıasynda Qazaqstan elektrolız zaýytynda tehn­ologııalyq táji­rı­beden ótip júr­min, onda maǵan 50 myń teńge jalaqy tóleıdi. Dıplom alǵannan keı­in zaýytta jumysqa qalýdy maq­sat etip otyrmyn, – dep ómirlik jos­parymen bólis­ti Estan.

Ákimdikpen aradaǵy memo­ran­dým aıasynda 2018 jyl­ǵy qar­jy­lan­dyrý úı sharýa­shy­­­lyq­taryn jaq­sartýǵa jáne ınfra­qu­ry­lymdy da­mytýǵa jumsalady, mysaly, bi­lim berý men sport uıymdaryn, me­dı­sı­na­lyq mekemelerdi, mádenı ny­sandar­dy kúr­­deli jóndeý jáne jab­dyqtaýǵa baǵytt­a­lady.

– «Tórtinshi ónerkásiptik revolıýsııa jaǵdaıynda damýdyń jańa múm­kindikteri» atty Joldaýynda Elbasy memleket pen  jekemenshik se­riktestigi negizinde turǵyn úı-kom­mýnaldyq ınfraqurylymdy jań­­ǵyrtý máselelerin belsendi túr­de sheshý qajettigin atap ótti. Eýrazııalyq Top ERG kásip­oryn­da­ry ornalasqan aımaqtardyń ákimdikterimen birge osy baǵytta tyǵyz jumys istep keledi, – dep atap kórsetti ERG dırektorlar ke­ńe­siniń tóraǵasy ERG  Aleksandr Mashkevıch.

Uzaq merzimdi seriktestik arqasynda jergilikti ákimdikter men Eýrazııalyq Top birlese otyryp resýrstardy tıimdi jáne tur­ǵyn­darǵa barynsha utymdy paıdalanýdy úırendi. Árıne, birinshi kezekte jastar – oblystyń bolashaǵy já­ne qarttar men múgedekter – ha­lyq­tyń áleýmettik álsiz toptaryna qamqorlyq kórsetý tur.

Pavlodar qalasynyń qoǵamdyq keńesi­niń hatshysy Telman Aıtqazın kóp ýaqytyn Eýrazııalyq top satyp alyp, Pavlodar oblysyna syıǵa tartqan qarttar men zaǵıp jandardy ońaltýǵa arnalǵan «Ardagerler úıinde» ótkizedi.

– Pavlodar oblysynyń ákimi Bolat Baqaýovqa aǵa urpaqqa qam­qor­lyq pen kóńil bólgeni úshin shy­naıy alǵysymyzdy bildiremiz. ERG jańa ǵımaratty satyp al­ǵan­nan keıin oblys ákimi osy ǵı­maratty jóndeýge qosymsha qara­jat tapty. Bizde qosymsha sý pro­se­­dýralary, sondaı-aq uzaq ýaqyt boıy armandaǵan májilis zaly da paıda boldy, barlyǵy 2018 jyldyń naýryzynda jumys isteı bastady. Bul múgedekterge jáne jyl saıynǵy saýyqtyrýdan ótetin zeınetkerlerge zor qoldaý, – deıdi Telman Aıtqazyuly.

Eýrazııalyq top Pavlodar obly­synyń damýyna 2018 jyly rekordtyq 3,7 mlrd teńge bóle­di. Bul qarajat Pavlodar tram­vaı basqarmasyna qoldaý kór­se­týge, Aqsý qalasyndaǵy orta­lyq jaǵalaýdy qaıta qurýdy jal­ǵas­ty­rýǵa jáne Pavlodardaǵy muzaıdy­nyna jumsalady. Dástúrli túr­de aımaqtaǵy fýtbol jáne vo­leı­boldy damytýǵa, sondaı-aq ERG qyzmetkerleri úshin jol qu­ry­lysy, ınfraqurylym, aýrýha­na­­lardy jóndeý, mektepterdi qar­jy­landyrý, balabaqshalar men oıyn alań­daryn ornatý, basqa da sporttyq nysandar sııaqty mańyzdy jobalarǵa qarjylyq qoldaý kórsetiledi.

Adamdar men tehnologııalardy órkendetý

Baqytty jumysshy – tıimdi jumysshy. Eýrazııalyq toptyń bas­shylyǵy osy qaǵıdany us­tana otyryp qyzmetkerleriniń qa­jet­tilikterin qamtamasyz etedi. Hol­dıng sport, demalys jáne má­denı damý úshin jaǵdaı jasaý jaq­sy ekenin biledi, biraq báriniń bas­ty jáne negizgi qajettiligi – bas­panasynyń bolýy.  Qostanaı oblysynyń Rýdnyı qalasynda 2017 jyly «SSKО́B» AQ-tyń ondaǵan qyzmetkerleri qonys toıyn toılady.

Solardyń biri – «SSKО́B» AQ Jol sharýashylyǵy jáne qu­ry­lystar basqar­masynyń DOB keńeıtilgen ýchas­kesiniń baılanys sheberi Nurlan Dúı­sem­baev. Onyń basty armany 2017 jyl­dyń qyr­kúıeginde oryndaldy – otbasymen jańa 3 bólmeli páterge kóship, ózderiniń 75 sharshy metr­lerine ıe boldy. 

– Jubaıym ekeýmiz syılyqqa rızamyz, biz ata-anamyzben birge turatyn edik. Jańa úıge kóshkennen keıin ózimizdiń jaıly «uıamyzdy» óz betimizshe jabdyqtaı bastadyq. Alǵash ret jańa 2018 jyldy óz páte­rimizde qarsy aldyq. Bul qaı­y­rymdy bastamany, ıaǵnı úı qury­ly­syn Eýrazııalyq top júzege asy­r­dy. Páterler úlken, keń jáne yńǵaıly, ári úıdiń syrtqy kórinisi men abattandyrylýy da tamasha. Aýladaǵy balalarǵa arnalǵan alańqaı men sport alańdary balalar men analary úshin súıikti demalys ornyna aınaldy, – dep qýanyshymen bólisti Nurlan.

ERG Qostanaı oblysynyń damýyna árdaıym erekshe kóńil bó­ledi, munda ERG kásiporyndary – «SSKО́B» AQ jáne «Qazaqstan alıý­mınııi» AQ óndiris orynda­ry ornalasqan. Oblystyń ma­ńyz­dy áleýmettik jobalaryna 2018 jyldyń memorandýmyna sáı­kes aı­maqtyń áleýmettik-eko­no­mı­ka­lyq damýyna jáne onyń ın­fra­qurylymyna 2,6 mlrd teńgeden as­tam qarjy jumsalady.

Bıyl ERG II Innovatorlar fo­rý­mynyń aıasynda qyzmetkerler kó­tergen qaladaǵy túıtkildi máse­le­lerdi sheshý jobalary iske asyrylatyn bolady. Osy 2018 jylǵy memorandýmda Rýdnyıdaǵy qaldyq sý­dy tazartý qondyrǵysynan shy­ǵa­tyn jaǵymsyz ıisti seolıt arq­yly beıtaraptandyrý, «Inno­va­sııa­lyq aýla» jáne «Zeńgir ja­ǵa­laý» qalalyq jaǵajaıdy abat­tan­dy­rý  jobalary kirdi.

– Eýrazııalyq toptyń kásip­oryn­­dary bizdiń qala­la­rymyzdyń tur­ǵyndaryna burynnan kommý­nal­­dyq qyzmet kórsetedi, – dep atap ótti ERG S.a.r.l. bas atqarýshy dı­rek­tordyń birinshi orynbasary Aldııar Qaztaev. – Bul kommý­nal­dyq tólemderdiń bir bóligi ǵa­na ekenin túsinemiz, biraq bizge qa­tysty kommýnaldyq shottar tuty­ný­shylarǵa aýyrtpalyq júktemeýi úshin barymyzdy salamyz.

Onyń aıtýynsha ERG kásip­oryn­darynyń kommýnaldyq qyz­me­t­ter kórsetýiniń tarıhı tur­ǵy­dan alǵanda qarjylaı shy­ǵy­ny kóp. Tek sońǵy 4 jylda 6 mıllıardtan astam teńgeni quraǵan shyǵyndardy tarıfterdiń birneshe márte ósýine jol bermeý úshin kásiporyndar «ózderine alyp» otyr. Budan bólek, Eýrazııalyq top ekinshi jyl qatarynan Rýd­nyı qalasy men Qashar aýylyn orta­lyqtandyrylǵan jylýmen qam­tamasyz etti. SSKО́B 2018 jyl ishin­de óz qarajatynan 800 mln teń­geni Rýdnyı jáne Qashar eldi me­ken­deriniń tutynýshylaryna jy­lý energııasyn óndirý, berý já­ne jetkizý qyzmetterin úzdiksiz já­ne joǵary sapaly qamtamasyz etýge jumsady, ári ol somany tarıfter arqyly qaıtaryp almaıdy.

Aıtpaqshy, búgingi kúni Qashar – ERG kásiporyndarynyń ózindik «Inno­vasııalyq ortalyǵy». «SSKО́B» AQ Qashar kenishin ba­s­qarý bazasynda «aqyldy karer» ju­mys isteıdi.

– «Aqyldy karerdi» iske qosý – bul tehnologııalyq prosesti azaıtý jáne ońtaılandyrý esebinen shy­ǵyndardy azaıtý jáne ken teh­nık­asynyń ónimdiligin 10 paıyzǵa arttyrý quraly. Bul tek onlaın  re­jimindegi sýretter ǵana emes, qyz­metkerlerdiń jumysyn retteý boıynsha negizdi, ári durys sheshim qabyldaýǵa múmkindik beretin sıfrly kórsetkishter, – deıdi «SSKО́B» AQ Qashar KB kásiporny óndiris dırektorynyń orynbasary qyzmetin atqarýshy Aleksandr Malsev.

Aqyldy júıe avtotúsirgiler, ekskava­tor­lar jáne basqa da jyljymaly nysan­dar­dyń jumysyna qashyqtan dıagnostıka jasaıdy, sodan keıin bólimniń tehnıkalyq qyz­metterin karerdegi barlyq jab­dyqtardyń jumys isteýi týraly málimetterdi ýaqytyn­da taldaı ala­dy jáne qajet bolǵan jaǵdaıda aýys­­tyrady. Qashar alańynan keı­in júıe Sokolov-Sarybaı jáne Qor­jynkól karer­le­rin qamtıdy.

Qostanaı oblysy ákimdigimen aradaǵy memorandýmdar sheń­be­rin­de tutastaı alǵanda, Eýrazııalyq top osy jyldary shamamen 6 mlrd teńge ınvestısııa saldy. Bul Qos­tanaı men Rýdnyıdaǵy úılerdi jón­deý, Lısakovtegi kóshelerdi abat­tandyrý, Qostanaı oblysynyń Oktıabr aýylynda balalar oıyn alańyn ornatý, aýrýhanalarǵa arnal­ǵan jabdyqtar satyp alý, oblystyń mek­tepteri men mádenıet úılerin jóndeý sııaqty áleýmettik jobalar.

Kóptegen jyldar boıy Eýra­zııalyq top úshin óz qyz­met­ker­leriniń týǵan jerlerine qol­daý kórsetý eń mańyzdy basym ba­ǵyt bolyp keledi. Kompanııa  bas­shy­lyǵy turǵyndardyń ómir súrý jaǵ­daıyna erekshe kóńil bólý – qyzmet etý aımaqtaryndaǵy turaq­tylyq pen qyz­­met­kerler kóńi­liniń jaılylyǵy ar­qyly qaıtyp keletin eń tıimdi ınves­tı­sııalardyń biri dep senedi.

Seıfolla ShAIYNǴAZY,
«Egemen Qazaqstan»