Memlekettik rámizderge nege qol suǵady?

Osy shýly daýdan soń Qyl­­mys­tyq kodekstiń 372-babyn­da qamtylǵan rámizderdi qor­­ǵaı­tyn arnaıy norma qa­byl­­­dady. Sondaı-aq Ata Za­ńy­myz­dyń 34-babynda da rá­miz­der týraly: «Árkim Res­pýb­lı­kanyń memlekettik rá­mizderin qur­metteýge min­det­­ti» delingen. Bul­ týraly ne­­lik­ten sóz qozǵap otyr­myz? 2017 jyly arnaıy zań­­men qorǵalǵan qasıetti rá­mizderimizdiń nyshandaryn paıdalanyp, tipti ondaǵy «Qa­zaq­stan» jazýyn alyp tas­tap, ornyna «Semeı qalasy» dep jazyp qoıǵan tóltańbaǵa (logotıp) tap boldyq. Bul tól­tańbany Semeı qalasy ishki saıasat bóliminiń janynan qu­rylǵan «Jastar ortalyǵy» 2013-2017 jyldar aralyǵynda paıdalanyp kelgen eken. Tipti 2016 jyly ortalyqtyń ataýyna «resýrstyq» degen sóz tir­keledi. Biraq sonda da eshkim baıqamaǵan kórinedi. Árıne bul jerde jastardy kinálaýdan aýlaqpyz, barshamyz da jas­ boldyq, bilgenimizden bil­meıti­nimiz kóp boldy. Bi­raq óńirdegi Eltańbanyń qoldanylý erejesine jaýapty ishki saıasat bólimi, áleýmettik sa­laǵa jaýapty laýazymdy tul­ǵalar bar ǵoı. Al jaýapty adamdardyń, qala ákimi men orynbasarlarynyń Eltańbany qorǵamaq túgili qorlaýǵa jol berip, onyń astynda sýretke túsýin qalaı uǵýǵa bolady? Bul saıası saýatsyzdyq pa?

Osy másele jóninde «Týǵan qa­lam – Semeıim!» qoǵamdyq qorynyń jetekshisi Aıdyn Yrysbekulyna habarlasyp, onyń óreskel zań buzýshylyq eke­nin jetkizdim. Ol qala ákim­­­digine habarlasyp, negizgi pa­raqshadaǵy avatarynan al­ǵyzyp tastaýǵa sebepker bol­dy. Árıne olar osymen jaýap­kershilikten qutyldy degen sóz emes. О́ıtkeni zańǵa qaı­shy áreket jasaldy. Oryn al­­ǵan áreket jóninde «Týǵan qalam – Semeıim!» qoǵamdyq qory atynan tıisti ortalyq já­­ne oblystyq quzyrly me­ke­melerge hat jazyldy. De­­se de áli kúnge deıin esh sha­­­ra qoldanylmady. Son­da «Eltańbany qorǵaý» de­genimiz jaı ǵana sóz bolyp qaldy ma?! Bul týraly jaýap bergen Mádenıet jáne sport mınıstrligi «onyń norma­tıv­tik-quqyqtyq aktisi joq, tek jo­ba retinde daıyndalǵanyn» baıan­dap, jaýap beripti.

Mem­lekettik rámizder tórt jyl qatarynan paıdalanyp, qylmysyń áshkerelengende alyp tastap jaýapkershilikten qu­tyla salatyn qarapaıym dú­nıe me? Eltańba avtory Jan­­darbek Málibekov: «El­tań­bany men emes, memleket qorǵaýy kerek» deıdi. Al mem­lekettiń jergilikti jerdegi ókil­­deriniń rámizge qatysty kóz­­qarasyn qalaı túsinemiz? Bú­gin Semeıde bolǵan ke­leń­siz jaǵdaıdyń erteń basqa óńir­­lerde de oryn almasyna kim kepil?!

Erlan ShAIаHMETULY

SEMEI