Mádına Ábilqasymova atap ótkendeı, búginde shaǵyn nesıe berýdi kóbeıtý 2017–2021 jyldarǵa arnalǵan О́nimdi jumyspen qamtý jáne jappaı kásipkerlikti damytý baǵdarlamasy aıasynda júzege asyrylýda jáne jappaı kásipkerlikti damytýdyń eń tıimdi tetigi retinde sanalady.
2018 jyly bekitilgen bıýdjette shaǵyn nesıe berý baǵdarlamasyna jalpy — 42 mlrd teńge, onyń ishinde aýyldyq jerlerge — 31 mlrd teńge jáne qalalar men monoqalalar úshin — 11 mlrd teńge qarastyrylǵan.
«Memleket basshysynyń tapsyrmasy boıynsha qarjylandyrý 20 mlrd teńgege ulǵaıtylyp, bıylǵy jyly 62 mlrd teńgeni quraıdy», — dedi M. Ábilqasymova.
Shaǵyn nesıe berýdiń sapaly áserin qamtamasyz etý úshin, sondaı-aq sońǵy qaryz alýshyǵa qarajat jetkizýdi ýaqytyly josparlaý maqsatynda eńbek jáne halyqty áleýmettik qorǵaý mınıstri qosymsha bólinetin 20 mlrd teńgeden aýyldar men shaǵyn qalalardaǵy nesıelendirýge shamamen 14 mlrd teńgeni bólýdi usyndy. Osy somanyń 10 mlrd teńgesin aýyl sharýashylyǵynyń iri qaıta óńdeý kásiporyndary mańyndaǵy «zákirlik» kooperasııa jobalaryn iske asyrýǵa baǵyttaý usynylady. Qalǵan 6 mlrd teńgeni qalalar men monoqalalardaǵy nesıelendirýge jumsaý usynylady.
M. Ábilqasymovanyń aıtýynsha, bıznes-jobalardy qorǵaý jáne shaǵyn nesıelerdi alý úshin jumyssyzdar men ózin-ózi jumyspen qamtyǵan azamattar aldymen «Bastaý–Bıznes» jobasy boıynsha oqýy kerek. Qosymsha bólinetin qarajatty eskere otyryp, kásipkerlik negizderin oqytýǵa jalpy transfertter esebinen kem degende 1,2 mlrd teńge bólý usynylady.
«Sońǵy qaryz alýshyǵa nesıe qarajatyn jyldamyraq jetkizý úshin, osy jyldyń naýryz aıynyń sońyna deıin buǵan deıin bólingen qarajat boıynsha úshjaqty nesıelik kelisimderge qol qoıýdy qamtamasyz etip, shaǵyn nesıe berýdi dereý bastaý qajet. Sáýir aıynyń sońyna deıin qosymsha bólinetin qarajat boıynsha úshjaqty nesıelik kelisimderge qol qoıý kerek», — dedi M. Ábilqasymova.
Sondaı-aq, mınıstr halyqty shaǵyn nesıemen kóbirek qamtý maqsatynda, qala men aýyl úshin nesıe berýdiń lımıtterin qaıta qaraýdy jáne shaǵyn nesıelerdi sońǵy tutynýshyǵa jetkizý tetikterin pysyqtaýdy usyndy.
«Jeńildikti shaǵyn nesıeler 5 jylǵa deıingi merzimge, al mal sharýashylyǵy salasy men aýyl sharýashylyǵy kooperatıvterin qurý jobalaryna – 7 jylǵa deıin, jyldyq tıimdi syıaqy mólsherlemesi jylyna 6% aspaıtyndaı etip beriledi. Kepildik jetkiliksiz bolǵan jaǵdaıda, Baǵdarlama qatysýshylary nesıelik mindettemelerdi oryndaýdy qamtamasyz etý túrinde kepildik alýǵa quqyly. Jalpy, usynylǵan tetikterdi júzege asyrý úshin Baǵdarlamaǵa, sondaı-aq qalalar men aýyldyq jerlerde shaǵyn nesıe berý erejelerine ózgerister engiziledi», — dep túıindedi M. Ábilqasymova.
Eske sala keteıik, QR Prezıdenti Nursultan Nazarbaev Parlament palatalarynyń birlesken otyrysynda áleýmettik jańǵyrýǵa baǵyttalǵan bes áleýmettik bastamasyn jarııalady. Atalǵan bastamalar turǵyn-úı, bilim berý, bıznes jáne gazben qamtamasyz etý salalaryn qamtıdy.
