Jańa…

...jemis qoımasy Taldyqorǵandyqtar jyl on eki aı boıy «Jeruıyq» kom­mý­naldyq bazarynan baǵasy tómen azyq-túlik túrlerin alady. Endi tutynýshylar jańa ashylǵan jemis-jıdek qoımasy arqyly ba­ǵa­sy qoljetimdi jemis-jıdek, kók­ónis­pen qamtylatyn boldy. Azyq-túlik beldeýin qamtama­syz etý jáne údemeli ındýs­trııa­lyq-ınnovasııalyq damý baǵ­dar­la­masyn júzege asyrýdyń sheshýshi qadamy retinde júzege asqan keshenniń jumysy nátıjeli ekenin shaharlyqtar sezine bastady. 400 tonna jemis saqtaýǵa arnal­ǵan qoıma qurylysyna 60 mıllıon teńgege jýyq qarjy jum­salypty. Qurylysty «Damu KM Group» jaýapkershiligi shekteýli seriktestigi belgilengen merzimde paıda­la­nýǵa berdi. 2013 jyly osy mańdaǵy alma baǵynyń ónimdiligi 600-700 tonnaǵa jetedi dep josparlanǵan. Sol kezde qoı­maǵa syrttan ónim tasý toqta­ty­lyp, óz ónimderin saq­taý­ǵa tolyq múmkindik týady. Al jańa jemis qoımasynyń jabdyqtaryn qurastyrý jáne iske qosýmen qytaılyq mamandar aınalysqan. Kúmisjan BAIJAN, Almaty oblysy.   ...balabaqsha paıdalanýǵa berildi Temir aýdanynyń Qopa aýy­lynda «Balapan» memlekettik baǵ­darlamasy aıasynda salynǵan elý oryndyq «Baldyrǵan» bala­baq­shasy paıdalanýǵa berildi. Atal­ǵan baǵdarlamany júzege asyrý barysynda osy aýdanda  on balabaqsha búldirshinderdi qa­byl­dap úlgergen. Al «Baldyrǵan» baqshasynyń qurylysy ústimizdegi jylǵy maý­sym aıynda bastalǵan eken. Ony «Batys Qurylys LTD» JShS qysqa merzimde sapaly aıaqtap otyr. Budan basqa aýyldaǵy orta mekteptiń janynda 25 oryndyq shaǵyn ortalyq jumys isteıdi. Jańa balabaqsha ashanamen, bas­qa da barlyq talapqa saı jab­dyqtarmen jabdyqtalǵan. Merekelik jıynda aýyl aq­sa­qaly Kákim О́teýov pen «Qos shy­nar» qoǵamdyq birlestiginiń jetekshisi Ǵalymjan Baıderbes qo­pa­lyqtardy qýanyshymen qut­tyq­tap, balabaqshanyń lentasyn qıdy. Satybaldy SÁÝIRBAI, Aqtóbe oblysy.   ...lıftiler ornatylýda Ekibastuz qalasynda jyldar boıy turǵan, isten shyqqan bul qondyrǵylardy jóndeýden ótki­zý, al paıdalanýǵa jaramsyz­da­ryn jańa úlgidegi quryl­ǵy­lar­men aýystyrý jumystary júr­gi­zilýde. Jalpy, oblystaǵy úsh qalada barlyǵy 1683 dana lıft bar bolsa, onyń 273-i kenshiler qalasyna tıesili.Osylardyń 65-i toqtap qalǵan-tyn. О́tken jyly qalada 26 lıft qalpyna keltirildi. Al, jýyrda qalalyq turǵyn úı-kommýnaldyq sharýashylyq bólimi О́zbekstanda jasalǵan 19 lıftini qabyldap aldy. Jańa qondyrǵylar zaman talabyna saı jabdyqtalǵan. Kóp qabatty úılerge bul lıftilerdi  «Pavlodarlıft» seriktestigi or­natýda. Paıdalaný merizimi – 25 jyl. Turǵyndar lıftilerdiń qyzmetin arnaıy kartochka júıesi arqyly paıdalana alady. Tóleý aqysyn qyzmet kórsetetin kásiporyn anyqtaıdy. Farıda BYQAI, Pavlodar oblysy.