Erkebulan Seıdahmet: Meniń jeńisim – qazaq fýtbolynyń jeńisi

– Debıýttik oıynyń, je­ńis­teriń qutty bolsyn! Bú­gin­gi oıynǵa baılanysty ne aı­ta­syń? Qobaljyǵan bolar­syń!?

– Rahmet! О́zińiz kórgendeı jasyl alańǵa ekinshi taımda shyqtym. Tomaǵamdy sypyryp, topqa qosqan bas bapkerimiz Sergeı Bogdanovıchke alǵysymdy aıtamyn. Oıynnyń óte qıyn, tartysty bolǵanyn kórdińizder. Jeke ózimniń oıynyma toqtalar bolsam, uzaq ýaqyttan beri res­mı oıynǵa shyqpap edim. Oqý-jat­tyǵý jıynynda joldastyq kez­desýlerge qatysqanym bar. Bi­raq joldastyq kezdesý men res­mı oıyndardyń aıyr­mashy­lyǵy jer men kókteı. Tu­saý­ke­ser oıynymda qobaljy­ǵa­nym ras. Ázirge basy jaman emes dep oılaımyn. Degenmen jat­tyǵý kezinde eki ese ter tógip, she­ber­ligimdi shyńdaı túsýge bar kúshimdi salamyn.

– Alańǵa shyǵar aldynda bas bapker qandaı aqyl-keńes berdi?

– Sergeı Bogdanovıch eń bi­­rin­shi oıyńdaǵynyń bárin shyǵaryp tastap, qoryqpaı, qobaljymaı oına dep aıtty. Qalaı oınasań da eshkim saǵan uryspaıdy. О́zińe senimdi bol. О́z oıynyńdy oına. Odan ar­tyqty eshkim senen talap et­peıdi dep senimdiligimdi arttyra tústi. Alańǵa shyq­qan­­da jaýapkershilikti sezin­dim. Bap­kerdiń sózderi, tapsyr­ma­lary oıymda boldy. Shamam kel­genshe artylǵan senimdi aqtaýǵa tyrystym.

–  О́z oınyńa kóńiliń toldy ma?

– Eń bastysy, komandam je­­ńiske jetti. Jo­ǵa­ryda aıt­qa­nym­daı, artylǵan senimdi aqtaýǵa tyrystym. Alǵashqy aıaq aly­syma baǵany jankúıer qaýym bere jatar. Olar­dy qýan­ta alsaq, senimderin aq­tasaq, maq­satymyzdyń oryn­dalǵany. Solar úshin oınaımyz. «Ýfa» sapyn­da alǵashqy jeńiske qol jetkiz­ge­nime óte qýanyshtymyn.

– Basqa komanda, basqa qala, basqa el. Komanda oıyn­­shy­lary ózińdi qalaı qa­byl­dady?

– «Ýfa» komandasy óte jaqsy qarsy aldy. Klýb qyzmetkerleri de komandalastarym da kómekke árdaıym daıyn. Biz bir úlken otbasy sekildimiz. Komandaǵa, qa­laǵa úırenýge barlyq jaǵdaı ja­salǵan. Turmystyq jaǵdaıda da, adamı qarym-qatynas máse­le­sinde de eshqandaı problema joq. Kelgenime kóp bolmasa da ujymǵa sińisip kettim.

– Ulttyq quramaǵa sha­qyr­­tý aldyń. Bul da seniń ba­ǵyn­­­dyrǵan bir belesiń bol­maq. Ár­bir fýtbolshynyń arma­ny – el namysyn qorǵaý. О́ziń qu­­­ra­maǵa shaqyrtý al­ǵa­nyń­dy bil­gende qandaı sezimde bol­­dyń?

– Árıne, qatty qýandym. Bala kezimnen ulttyq qurama jeı­desin kııý armanym edi. Endi sol armanyma jetýime az qal­dy. Bul maǵan artylǵan úlken jaýapkershilik, senim dep bi­lemin. Qazaq fýtboly jańa ke­zeńge qadam basyp otyr. Fýt­bolymyz damyp keledi dep senim­men aıta alamyn. Qazaq fýtbolynda bedeli zor bapker bas komandanyń tizginin ustady.

– Bapker demekshi, Sta­nımır Stoılovtyń óziń týra­ly aqparat kóbeıip ket­­ken­­­­dik­ten, «sırkke aınal­dy­ryp ji­berdi» degen sózin estigen bolarsyń?

– Iá estidim. Stanımır Stoı­lov óte bilikti bapker. Ony aıt­pasam da jaqsy bilesizder. Qazaq­stan fýtbolyn álemge tanytqan tulǵa dep aıta alamyn. «Astana» fýtbol klýbymen tarıhı je­tis­tikterge qol jetkizdi. Son­dyq­tan Stoılovpen bir­ge jumys isteý men úshin aby­roı. Bap­ker­­diń aıtqandaryn tııa­naqty oryn­­dap, ulttyq qu­ramamen al­da­ǵy oıyndarda je­ńiske je­tý­ge ty­rysamyz. Jan­kúıer qaýym­nyń senimin aqtaýǵa kúsh salamyz.

– «Egemenniń» oqyr­man­daryna tilegiń?

– Qazaqtyń qarshadaı qara balasy Reseı jerinde alǵash ret dop tebedi, debıýttik oıynyn ótkizedi degendi estigende, sonaý Astanadan arnaıy izdep kelip, qoldaý bildirdińizder! «Egemen Qazaqstan» gazetine kóp rahmet! Gazet oqyrmandaryna, qazaq fýtbolynyń jankúıerlerine al­ǵy­symdy aıtamyn. Meniń jeńisim – qazaq fýtbolynyń jeńisi dep bilemin.

Áńgimelesken Erkebulan JOMART,

«Egemen Qazaqstan»