О́zbekstan Prezıdentin elorda áýejaıynan QR Premer-Mınıstriniń birinshi orynbasary Asqar Mamın kútip aldy.
Eske sala keteıik, búgin Astanada Ortalyq Azııa elderi, sonyń ishinde Qazaqstan Respýblıkasy, Qyrǵyz Respýblıkasy, Tájikstan Respýblıkasy, Túrikmenstan jáne О́zbekstan Respýblıkasy basshylarynyń jumys (konsýltatıvtik) kezdesýi ótedi.
Túrikmenstanda joǵary deńgeıdegi is-sharalardyń aldyn ala josparlanýyna baılanysty bul elden atalǵan jıynǵa Medjlıs tóraıymy A.T.Nýrberdyeva hanym qatysady. Sonymen qatar búgin N.Nazarbaev pen Sh.Mırzııoevtiń qatysýymen Qazaqstandaǵy О́zbekstan jylynyń saltanatty ashylý rásimi ótedi. Sondaı-aq, eki el kóshbasshylary óner qaıratkerleriniń gala-konsertine qatysady.
