Foto: Sputnik Qazaqstan
Qazaqstan úshin tıimdi bastama
Santosh KÝMAR,
Sıngapýr Baspasóz klýbynyń qurmetti hatshysy
Qaı qoǵamda bolsyn materıaldyq paıda negizge rólge ıe, alaıda áleýmettik birliktiń ómirlik mańyzy zor. Osy oraıda Qazaqstan Prezıdenti Nursultan Nazarbaev halyqtyń áleýmettik osal toptarynyń ómir súrý jaǵdaıyn jaqsartý qajet ekenin jaqsy túsinedi. Bul, sondaı-aq eldiń ekonomıkalyq ósimine septigin tıgizedi. Osylaısha, ol turǵyn úı, joǵary bilim berý, jalaqyny kóterý jáne muqtaj jandardyń ómir súrý jaǵdaıyn jaqsartý sııaqty halyqtyń negizgi suranystaryn qanaǵattandyrýǵa basa nazar aýdarýda. Prezıdent eldi jalpy jańǵyrtýmen qatar, damýdyń barlyq baǵyttaryn qamtýdy kózdep otyr.
Prezıdent halyqtyń áleýmettik osal toptarynyń muń-muqtajdaryn, olardy ne alańdatatynyn tereń túsingendikten naqty sharalar qabyldaýda. Memleket basshysynyń «Prezıdenttiń bes áleýmettik bastamasyn» jarııalaýy az qorǵalǵan sanattarǵa qamqorlyq kórsetý arqyly teń múmkindikter usynýdyń aıqyn mysaly bolyp tabylady. Qazaqstan bul bastamalardan tek paıda tabady. О́ıtkeni, memlekettiń qoldaýy eldiń ári qaraıǵy damýynda halyqtyń aýyzbirshilikte bolýyn qamtamasyz etedi.
El damýynyń naqty baǵdary
Arıel KOEN,
saıasattanýshy (AQSh)
Qazaqstan Prezıdenti Nursultan Nazarbaevtyń bıylǵy naýryz aıynyń basynda el halqyna arnaǵan «Prezıdenttiń bes áleýmettik bastamasy» atty Úndeýinde aıtylǵan áleýmettik jańǵyrýǵa qatysty mindetterdi júzege asyrý Qazaqstandy jańa beleske kóteredi. Naqtylaı aıtqanda, bul mańyzdy áleýmettik bastamalar Qazaqstannyń áleýmettik damýyn jáne áleýmettik turaqtylyǵyn qamtamasyz etetin mańyzdy ári úlken qadam.
Úndeýde qamtylǵan mıkronesıeleý, bilim berý sapasyn arttyrý, salyq júktemesin tómendetý, halyqty baspanamen qamtý máseleleri memleket tarapynan el turǵyndarynyń ál-aýhatyn jaqsartý maqsatynda jasalǵan ıgi sharalar bolyp tabylady. Sondaı-aq bul óz kezeginde Qazaqstannyń ekonomıkalyq turǵyda damý deńgeıin jaqsartýǵa oń yqpalyn tıgizedi.
