Samal jel – syńarym ǵoı,
Júzimnen kúlip ópken.
Aqsha bult – aq jaýlyǵym,
Sol sátte ushyp ketken.
Aq saǵym – aıaýlymnyń
Alqa ǵyp syılaǵany.
Juldyzdar – sol alqamnyń
Keýdeme syımaǵany.
Zańǵar taý – tuǵyrym ǵoı,
Tóbeler – taıanyshym.
Tógilgen jyly jańbyr –
Meıirim, aıanyshym.
Muhıtqa kóz tastashy,
Ol – meniń tolqyndy oıym,
Aq terek aspan súıgen,
Ol – meniń syndar boıym.
Kókte kún kúlimdegen –
Mendegi bitpes jalyn.
Áppaq nur, sulý sáýle,
Ol – meniń namys-arym.
Tursynhan Ábdirahmanqyzy
