Bekzat ónerdiń jas otaýy

Ońtústiktiń óziniń opera jáne balet teatry bar. Bul óner or­dasynyń osy óńirde ómirge ke­lýi­niń ózi de zańdy sııaqty. Olaı deıtinim, teatr ashylǵanǵa deıingi 11 jylda romans oryn­daý­shy­lardyń halyqaralyq baıqaýy tu­raqty túrde ótip turdy desem, romansıada jalǵasy keıingi jyl­dary «Qazaq romansıadasy» ataýymen uıymdastyrylyp keledi. Osynyń bári, álbette, shy­naıy, baısaldy mýzykany, má­de­nı talǵamdy ósirdi jáne ózimiz­diń opera teatryn qurýǵa ıtermeledi. Sońynda osy bastama iske asty. 2008 jylǵy 6 qarashada teatr ǵımaratynyń ashylý rásimi men alǵashqy gala-konsertke Elbasy N.Á.Nazarbaevtyń qatysýy, óner adamdarynyń erteńgi kúnine degen senimin arttyra tústi. Teatr ǵımaraty esigin ash­qan­ǵa deıin, opera jáne balet teat­ryn ashý ıdeıasynyń tusaýkeser rásiminiń «Máńgilik áýender ále­mi», ıtalııalyq dırıjer Ivano Kaıassonyń «Bravo belkanto!» jáne álem opera sahnalarynda óner kórsetip júrgen jerles­te­rimizdiń «Shymkentim júregimde» konsertteri men «Álem opera juldyzdary – Shymkentte» ha­lyq­aralyq festıvaldary Qazaq­stan, Reseı, О́zbekstan, Túrkııa, Avstrııa, Italııa jáne AQSh opera juldyzdarynyń qatysýymen ótkenin de aıta ketsem deımin. О́ner ordasynyń qalyptasyp aıaqqa turýyna teatrdyń alǵashqy dırektory, Sankt-Peterbýrg kon­servatorııasynyń túlegi Asqar Alıhan, odan keıingi dırektor, Qurmanǵazy atyndaǵy konser­va­torııanyń túlegi Ábdihan Nurma­ham­betovter zor eńbek sińirip, óz qoltańbalaryn qaldyrdy. Búgingi tańda teatrdy Á.Mám­betovtiń mektebinen ótken, Astana opera jáne balet teatrynda rejısserdiń kómekshisi qyzmetin atqarǵan ońtústiktiń tól týmasy Baýyrjan Rahmanov basqarady. Ústimizdegi jyly teatr ujy­mynyń el Táýelsizdiginiń 20 jyl­dyǵyna arnalǵan «Ońtústik juldyzdary» atpen ótken konsertterinde teatr ártisteri J.Belgibaevanyń, E.Jandarbaıdyń tanymal opera ánshileri G.Dáý­irbaeva jáne A.Jyltyrgózovpen qatar óner kórsetýi, ataqty dırıjer R.Salavatovtyń teatr orkestrin basqarýy kórermenderde umytylmas áser qaldyrdy. Sóz oraıy kelgende teatrdyń sım­f­o­nııalyq orkestri I.Kaıasso, A.Vıkýlov, A.Bóribaev, R.Salavatov, B.Qudaıqulov, A.Abdýllaeva, A.Muhıttdınov, E.Ahmedıarov sııaqty álemge tanymal dırıjerlermen jumys jasaǵanyn da aıta ketsek artyq bolmas. Jas uıymnyń alǵashqy aıaq alysy tabysty. Bul oraıda «Teatr kóktemi – 2011» baıqaýynda júldeli oryndy ıelengenin, son­daı-aq Ońtústik Qazaqstan obly­synyń Astanadaǵy kúnderinde teatr ártisteriniń Beıbitshilik já­ne kelisim saraıynda Elba­synyń aldynda joǵary dáre­jede óner kórsetip, oblys máde­nıeti men óneriniń mereıin kóter­genin aıtýǵa bolady. Búginde jas ujym – ońtús­tik­tegilerdiń ǵana emes, búkil qa­zaqstandyqtardyń rýhanı maqta­nyshy bolý baǵytyn ustanyp, ónerdi súıetin jáne baǵalaıtyn jankúıerlerdi óner merekesine shaqyryp, klassıkalyq mýzyka­nyń bıik shyńy sanalatyn bekzat ónerdiń qaınar bulaǵynan sý­syn­datý úshin bar múmkindikterin jasaýǵa umtylýda. Gaýhar TО́LEPOVA, opera jáne balet teatrynyń ádebıet bóliminiń meńgerýshisi. Shymkent.