mfa.kz
«2017 jylǵy 28-29 qyrkúıektegi Qazaqstannyń bolat salasyndaǵy saıasatyna sholý qorytyndylary boıynsha Bolat komıteti EYDU Keńesine Qazaqstandy qaýymdastyrylǵan múshe retinde shaqyrý týraly sheshim qabyldaǵan bolatyn. Búgin EYDU ótinishti maquldaǵany belgili boldy», delingen habarlamada.
Vedomstvo ókilderi Qazaqstan tarapy atalǵan Komıtet músheligine qabyldaný boıynsha 5 jyldan beri qajyrly eńbek etip kelgenin aıtady.
«EYDU Bolat komıtetindegi qatysý mártebesiniń artýy Qazaqstannyń saladaǵy tendensııalardy baqylaýyn meılinshe jeńildetedi. Sondaı-aq, EYDU enshisindegi mol zertteý-taldaý materıaldaryna shekteýsiz qoljetimdilikke ıe boldyq», deıdi IDM qyzmetkerleri.
EYDU 1961 jyly qurylǵan, Uıymǵa 35 memleket, sonyń ishinde Germanııa, Ulybrıtanııa, Fransııa, AQSh, Japonııa jáne Aýstralııa múshe. Álemdik bolat óndirisiniń 45%-i, al eksportynyń 75%-i dál osy EYDU-ǵa múshe memleketterdiń úlesine týra keledi.
