- Marjan Baqytqyzy, ózińiz jetekshilik etetin «Jas Otan» jastar qanaty alǵashqylardyń qatarynda ún qatyp, jurtshylyqty qaıyrymdylyq kómek jasaýǵa shaqyrdyńyzdar. Gýmanıtarlyq kómek jınaý qalaı júrgizilip jatyr?
- О́skemende gýmanıtarlyq beket ashylǵan 12 naýryzdan beri jan-jaqtan habarlasyp, kómek qolyn sozýǵa nıet bildirip jatqan jandar az emes. Qyzmettegi azamattardan bastap qarapaıym adamdar da jan-jaqtan habarlasyp jatyr. Tipti túngi saǵat úshte Aqtaý qalasynan bir apamyz: «Ne bolyp jatyrsyńdar? Amansyńdar ma?» dep telefon shaldy, ertesinde kómek retinde aqsha salyp jiberipti. 5 keli maıyn, 10 keli roshkıin ákep jatqan qarapaıym turǵyndar da bar. Shyn máninde, elimizdiń yntymaq-birligi osyndaıda kórinedi eken. Biz qazir negizinen qurylys materıaldary, jyly kıimder, buzylmaıtyn taǵamdar, jeke gıgıenalyq zattar men keńse taýarlaryn qabyldap jatyrmyz. 4-5 kún kóleminde jınalǵan dúnıelerdiń alǵashqy legin 17 naýryz kúni KamAZ kóligimen Aıagózge jónelttik. Naqtyraq aıtsaq, 11 tonna un, 10 tonna kartop, 6 tonna qaraqumyq, 2 tonna kúnbaǵys maıy, 3 tonna makaron ónimderi men sharýashylyq taýarlary tasqynnan zardap shekken turǵyndarǵa jiberildi.
- Qaıyrymdylyq sharasyna belsendi atsalysqan azamattar men mekemeler jóninde aıtyp ótseńiz.
- Jalpy alǵanda, oblys turǵyndarynyń kópshiligi Aıagózdegi jaǵdaıǵa beı-jaı qaraǵan joq. Qoldan kelgen kómekterin kórsetip jatyr. О́skemenniń ózine kelsek, shahardaǵy «Marat m» JShS, «Ksedo» JShS, «Shyǵysagroholdıng» JShS, «Shyǵyssút» JShS, «Shyǵys tańy» bazary, týberkýlezge qarsy oblystyq dıspanser men oblystyq balalar men jasóspirimder kitaphanasy ujymy men Erjan Nurbaev, Luqbek Tumashınov, Álııa Dosybaeva, Seıiljan Saılaýbaev syndy oblystyq jáne qalalyq máslıhat deptýtattary izgi iske erekshe qoldaý kórsetti. «Jaqsynyń jaqsylyǵyn aıt nury tasysyn» demekshi, oblystyq máslıhat depýtaty Luqbek Tumashınovtyń 15 tonna qurylys materıaldaryn, Erjan Nurbaevtyń 2 tonna un bergenin aıtpaı ketýge bolmas. О́skemendegideı gýmanıtarlyq beket oblystyń birqatar qala-aýdandarynda da ashylyp, Semeı men Rıdder qalalarynan, Shemonaıha, Katonqaraǵaı, Abaı, Glýbokoe aýdandarynan Aıagózge gýmanıtarlyq kómek jóneltildi. Bular – ázirge sý tasqyny qaýpi joq aýdandar. Al endi ózderi de sý tasqynymen alysyp jatqan aýdandardy «kómektesińder» dep qınaǵan joqpyz. «Nur Otan» partııasynyń óńirdiń qala-aýdandaryndaǵy búkil fılıaldary bir kúndik jalaqylaryn aýdarǵanyn da atap ótýge bolady. «Jas Otan» jastar qanatynyń basqa oblystaǵy fılıaldarynyń jetekshileri, ózimniń áriptesterime erekshe alǵysymdy bildirgim keledi. Bir-eki kúnde Pavlodar, Aqtóbe, Atyraý, Batys Qazaqstan, Qyzylorda oblystarynan gýmanıtarlyq kómek kerýeni kelýge tıis.
- Bul shara áli de jalǵasyp jatqan bolar.
- Iá, jalǵasyn tabady. О́ıtkeni, óńirde qar áli tolyq ketken joq. Tasqyn qaýpi áli de bar. Sondyqtan oblystyń qaı jerine járdem kerek bolady, sonyń bárine múmkindiginshe kómek qolyn sozýǵa tyrysamyz. Aıagózge kúndelikti habarlasyp, túrǵyndarǵa ne qajettigin surap-bilip otyrmyz. Dál qazirgi ýaqytta olarǵa birinshi kezekte tósek jabdyqtary kerek. О́ıtkeni, sý astynda qalyp qoıǵany belgili. «Jas Otannyń» О́skemen qalasyndaǵy belsendileri tek gýmanıtarlyq kómekpen shektelmeı, aryqtardy tazartyp, jer úıde turatyn jalǵyz basty qart adamdardyń aýlasyndaǵy qardy syrtqa shyǵarýǵa da kómektesip jatyr.
Reti kelgende aıta keteıin, qazirgi ýaqytta respýblıkanyń 9 óńirinde 17 gýmanıtarlyq kómek beketi ashylǵan. Onyń beseýi - Shyǵys Qazaqstanda. Sonymen qatar óńirdegi meshit qyzmetkerleri «Shyǵystyń asary» atty sharany qolǵa alyp jatqanyn da atap ótýge bolady.
- Cuhbatyńyzǵa alǵys bildiremiz.
Áńgimelesken Azamat QASYM,
«Egemen Qazaqstan»
О́SKEMEN
