Memleket basshysy Qazaqstan halqynyń jáne jeke óziniń atynan Vladımır Pýtındi Reseı Federasııasynyń Prezıdenti laýazymyna saılanýymen quttyqtady.
Nursultan Nazarbaev saılaýdaǵy aıqyn jeńis Vladımır Pýtınniń óz elin damytýǵa jáne onyń ulttyq múddelerin ilgeriletý isine qosqan zor úlesin Reseı halqynyń taǵy da joǵary baǵalaǵanynyń dáleli bolyp sanalatynyn atap ótti.
«Sizdiń tıimdi basshylyǵyńyzdyń arqasynda Reseı aýqymdy saıası jáne ekonomıkalyq reformalar júrgizý, halyqtyń áleýmettik ál-aýqatyn arttyrý, jahandyq jáne óńirlik ózekti problemalardy sheshý arqyly senimdi túrde alǵa basyp keledi.
Elderimiz arasyndaǵy strategııalyq seriktestik pen odaqtastyqtyń jarqyn mysaly bolyp otyrǵan dástúrli dostyq pen tatý kórshilik qatynastardy damytý isine qosqan Sizdiń jeke úlesińizdi erekshe atap ótkim keledi.
Qazaqstan eki el halyqtarynyń múddesi úshin Reseımen ekijaqty formatta da, Eýrazııalyq ekonomıkalyq odaq aıasynda da baılanystardy keńeıtý isin jalǵastyrýdy kózdep otyr.
Men senim men ózara túsinistikke negizdelgen dostyǵymyzdy qadirleımin ári ony joǵary baǵalaımyn.
Bizdiń birlesken jumysymyz aldaǵy ýaqytta da kópqyrly yntymaqtastyǵymyzdyń barlyq máseleleri boıynsha Astana men Máskeýdiń tabysty dıalogynyń berik negizi bolyp qala beretinine senimdimin», – delingen jedelhatta.
Nursultan Nazarbaev Vladımır Pýtınge zor densaýlyq, amandyq jáne jaýapty memlekettik qyzmette jańa jetistikter, al dostas Reseı halqyna beıbitshilik pen baq-bereke tiledi.
