Dáýren Ádilbekov: Tártip saqshylarynyń sanyn arttyrǵan jón

Osyǵan baılanysty kóptegen proble­ma­lardy sheshýge aýdandyq ishki ister organ­da­rynyń qarymy jete bermeıdi. Sonyń ishinde ti­r­kelgen qylmystardy ashýda po­lısııa qyzmetkerlerine júk­te­le­tin mindetter de eselep artyp otyr. Shaǵyn aýdanǵa bólingen qy­z­metkerler turǵyndardyń kóp­tigi sebebinen óz mindetterin tııa­naqty atqara almaýda. Ásirese operatıvtik izshilder quramynyń qa­­ry­my qysqa. Turǵyndardan tú­setin aryz-shaǵymdar da ýaq­tyly qaralmaıdy. Sondaı-aq turǵyn úı men jer qatynastaryn retteýde de az sandy bolýy sebepti ishki ister organdary osaldyq tanytyp otyr. Osynyń bári áleýmettik kıkiljińderdiń týýyna sebepshi bolatyn túri bar.

Atalmysh sebepter halqynyń sany kóship kelýshilerdiń ese­bi­nen únemi artyp otyratyn Astana tó­ńiregindegi osy aýdanǵa qo­sym­sha polısııa bólimshelerin ashý­dy talap etip otyr. Aýdandyq ishki ister bóliminiń qazirgi shtattyq qu­ramy 157 adam, al bekitilgen nor­matıv munda qosymsha 245 adam alýdy qajet etedi.

Dál osyndaı problema ob­lys­­tyń Býrabaı aýdanynda da bar. Munda polı­sııa qyzmetkerleriniń shtaty 259 adam, al normatıv qo­symsha 145 birliktiń ashylýyn ta­lap etedi. Shýche-Býrabaı ký­rort­ty aımaq bolǵandyqtan mun­da jyl saıyn bir mıllıonnan ar­tyq týrıst keledi. Sondaı-aq ha­lyq­aralyq jáne respýblıkalyq deń­geıdegi memlekettik sharalar da jıi ótkizilip turady. Tártip saq­taýda belsendilikti arttyrý úshin bulardyń bári polısııa qyzmetkerleriniń molyraq bo­lýyn qajet etedi. Onyń ústine saýyq­ha­nalar men kazınolar da munda je­terlik. Tártip saqtaý mindetin atq­arý úshin oblystyq ishki ister de­partamenti munda sharalar ót­kizilgende basqa aýdandardan qyz­metkerler tartýǵa májbúr bo­lýda. Al ol úlken shyǵyndy ta­lap etedi.

Qylmys sanyna keletin bol­saq, bul aýdandarda olardyń ese­lep óskenin kóremiz. Máselen Selınograd aýdanynda 2007 jyly 226 qylmys tirkelse, 2017 jyly onyń sany 1301-ge jetken. Býrabaı aýdanynda da sondaı tendensııa baıqalady. Munda tıisinshe 708 qylmys tirkelse, byltyr 1125 qylmys oryn alǵan.

Osyǵan baılanysty Premer-Mınıstr Baqytjan Saǵyntaevtyń atyna joldaǵan depýtattyq saýalda, naqty sheshim qabyldaý úshin tıisti organdardyń ókilderi jer­gilikti jerge baryp, máseleni zerttep, osy eki aýdannyń polısııa qyzmetkerleriniń sanyn tıisti normatıvke keltirý týraly tapsyrma berýin ótinip otyrmyz.

Dáýren ÁDILBEKOV,

Senat depýtaty