Irikteý konkýrsy zańǵa saı ótkizildi

Sol saýalǵa Premer-Mını­strdiń atynan jýyrda jaý­ap keldi. Onda: «Bilim já­ne ǵylym mınıstrligi 2018-2020 jyldary qarjylandyrý úshin ǵylymnyń jeti basym baǵyty boıynsha konkýrs­tar ótkizgen edi, oǵan 4677 óti­nish túsip, sonyń 1096-y irik­telip alyndy. Jobalarǵa mem­le­kettik bıýdjetten bólinetin qa­ra­jat kólemi 28,6 mlrd teń­ge boldy» delingen.

Osydan ári jaýapta kon­ký­rstyń qalaı ótk­izilgeni, qan­daı quqyqtyq qujattarǵa súıen­ge­­ni egjeı-teg­jeı­li jazylyp, tolyq aqpa­rat be­rilgen. Joǵaryda aıt­qanymyzdaı, de­pý­tat­­tyń saý­alynda irikteý keńesiniń músheleri ózde­riniń sapasyz jobalaryn ótkizgeni, shet­el­dik bilikti mamandardyń joǵary baǵasyn alǵan jobalardyń aıdalada qalǵany aıtylyp, osy­nyń sebebi su­ralǵan. Buǵan irikteý komı­s­-
sııa­syna múshe bolǵan ma­man­dardyń da óz joba­laryn usynýǵa quqyqtary bar­lyǵy aıtylyp, bi­raq olar óz jobalary boıynsha she­shim­der qa­byl­daýǵa qatysa al­maıtyndyǵy jetkizilgen. Alaıda keńeske múshe bolǵan 27 mamannyń 9-nyń ǵana jobalaryna grant berý týraly sheshim qabyldanǵany aıtylady. Sonymen qatar jaýapta aýylsharýashylyq ǵylymdarynyń jobalary boıynsha grant alǵandardyń 66 paıyzy joǵary ball, 33 paı­yzy ǵana ortadan jo­ǵa­ry, tek bireýi ǵana ortasha ball alǵan jobalar ekeni kór­se­til­gen.

Al keńestiń quramyn ja­saq­­taý arnaıy Ere­je­ge ne­giz­delgenin, onyń ishine shet­el­dik iri ǵalym­dar da tar­ty­lǵany jáne qyzy­ǵýshylyq ta­ny­týshy mem­lekettik jáne qoǵamdyq uıymdar ókil­deri de aralastyrylǵany aıtylǵan.

Jalpy Keńes 110 óti­nishti qaraǵan, sonyń ishin­d­e 6 shaǵymnyń talaby qanaǵat­tan­dyryl­ǵan. Saıyp kelgende konkýrstyń zańǵa sáıkes ót­ken­digi atalyp ótken.

Daıyndaǵan Jaqsybaı SAMRAT,

«Egemen Qazaqstan»