«Rýhanı jańǵyrý» baǵdarlamasy aıasynda ótken dombyrashylar flesh-mobyna 150 ónerli jas qatysyp, qazaqtyń áıgili kompozıtorlarynyń kúılerin tamyljyta oryndady. Daryndy balalardyń arasynda halyqaralyq, respýblıkalyq, oblystyq jáne qalalyq baıqaýlarda júldeger atanǵan ónerpazdar boldy.
Qala turǵyndary men qonaqtary jas dombyrashylardyń ónerine aıamaı qol soqsa, qoǵamnyń belsendi músheleri bul flesh-mobty Qaraǵandynyń rýhyn aspandatqan sharapatty shara dep baǵalady.
Aıta ketý kerek, qalalyq qosymsha bilim berý uıymy uıymdastyrǵan mádenı mańyzy zor bul shara «Úkili dombyra» baıqaýynyń sheńberinde ótken bolatyn. Al qalalyq konkýrstyń ózi Qaraǵandyda osymen ekinshi ret uıymdastyryldy. Baıqaýda S.Múrjanov (№17 OM), J.Samarqan (№6 OM), D.Shamataev (№54 OM) jáne №36 orta mekteptiń dombyrashylar ansambli túrli atalymdar boıynsha bas báıge ıegerleri atandy.
Qaırat ÁBILDA,
«Egemen Qazaqstan»
QARAǴANDY
