Etnomádenı birlestikter alleıasy ashyldy

El táýelsizdiginiń 20 jyldyǵy qar­sa­ńynda oblys ortalyǵyndaǵy Kýtýzov kó­she­si boıynda  Etnomádenı birlestikter  al­leıa-alańy ashyldy. Osydan úsh jyldaı ýaqyt buryn «Dostyq úıiniń» paıdalanýǵa berilý saltanatty rásimine Elbasy Nursul­tan Nazarbaev qatysty. Bul kúnderi «Dos­tyq úıinde» oblystyq Qazaqstan halqy Assambleıasynyń hatshylyǵy,  18 etno­má­denı birlestik, assambleıanyń jastar birlestigi, ulttyq órkendeý mektebi, «Ana tili» tilderdi damytýdyń oqytý-ádistemelik or­ta­lyǵy, «Qazaq tili» qoǵamy ornalasqan. Sonymen qatar, 20 etnostyń mádenıetin dáripteıtin 42 shyǵarmashylyq ujym jumys isteıdi. Mamyr aıynda «Maqsaty birdiń – rýhy bir» uranymen «Dostyq. Birlik. Táýelsizdik» atty etnostyq toptardyń HIV oblystyq festıvali ótti. «El qazy­nasy» jobasy aıasynda «Ertis – dostyq óze­ni» atty halyqaralyq festıval uıym­dastyryldy. Bıylǵy jyly etnomádenı birlestikter jumysyn atqarý isine 25 mıllıon teńge bólindi. О́zge etnos ókilderi memlekettik til­di meńgerýde. Oblys aýmaǵynda osy ba­ǵyt aıasynda tıisti jumystar atqarylýda. Memlekettik tildi jáne qazaq halqynyń salt-dástúrlerin úıretý oblystyń lın­gvıs­tıkalyq lagerleri men alańdarynyń oqý baǵdarlamasyna engizilgen. Endi, mine, mereke aldynda Dostyq alleıasynda  shaǵyn túrdegi keskindelgen árbir etno­bir­les­tik­terdiń ulttyq bolmysyna saı jasalǵan músinder ornatylyp otyr. Mysaly, «Vatan»  ázerbaıjan etno­bir­les­tigi – Ázerbaıjan qalalary bar karta jáne qyz munarasyn, grekter – Afrodı­tanyń músinin, qyrǵyzdar – shańyraq, qo­mýz, búrkittiń beınesin,   armıandar – armıan sáýlet ónerin,  slavıan ortalyǵy matresh­kalaryn tizip qoıypty. Ári qaraı polıaktar, bolgarlar, ýkraındar, belorýstar, koreıler, uıǵyrlar jasaǵan óz halqynyń ult­tyq dástúrlerine saı belgileri bolyp jal­ǵasyp kete beredi. Alleıa ishine oryndyqtar qoıylǵan. Bir sózben aıtqanda,  qalalyqtar úshin  taǵy bir demalys orny ashyldy.  Elimizdegi ultaralyq kelisimniń, ynty­maq­tastyq pen beıbitshiliktiń kórinisi ispetti. Jınalǵandar aldynda oblys ákimi Baqytjan Saǵyntaev sóz sóıledi. «Elimiz dostyq pen tatýlyqtyń mekenine aınalǵan. Al­leıanyń ashylýy bárimiz úshin zor mańyzdy is-shara jáne úlken mártebe dep esepteımin», – dedi óńir basshysy. Budan keıin etnobirlestikter ókilderi   Jafar Mahmudov,  Tatıana Kýzına, Iаna Mýravskaıa quttyqtaý sóz sóıledi. Farıda BYQAI, Pavlodar.