Qaýipsizdik – basty basymdyq

Qorǵanys vedomstvosynyń basshysy Ádilbek Jaqsybekovtiń tóraǵalyǵymen Qazaqstan Res­pýb­lıkasy Qorǵanys mınıstr­li­giniń alqa otyrysy bolyp ótti. Kún tártibine sáıkes, Qarýly Kúsh­terdiń 2011 jylǵy qyzme­ti­niń qorytyndysy qaralyp, al­da­ǵy 2012 jylǵa naqty tapsyr­ma­lar qoıyldy. Sondaı-aq, Qa­zaq­stan áskeriniń basshylyq quramy Qazaqstan Respýblıkasy Táýel­siz­diginiń 20 jyldyǵy men Qa­rýly Kúshterdiń 20 jyldyǵyn merekeleýge daıyndyq barysyn talqylady. Jaýyngerlik ázir­lik­tiń, jaýyngerlik kezekshilik pen áskerı tártiptiń jaı-kúıi de keńinen sóz boldy. Otyrysty ashqan Qorǵanys mı­nıstri barlyq komandırlerge qaratyp: «Qol jetkizilgen kór­set­kishter kóńil qýantarlyq, endi negizgi nazardy jaýyngerlik ázir­lik­tiń sapasyna aýdarý kerek. El­ba­sy – Qarýly Kúshterdiń Jo­ǵar­ǵy bas qolbasshysynyń bizge qoıyp otyrǵan basty talaby osy», dedi. Qazaqstan Respýblıkasy Táý­elsizdiginiń 20 jyldyǵymen tus­pa-tus kelgen Qarýly Kúshterdiń bıylǵy qyzmeti komandırlik daı­yndyqtyń jańa kesheni anyq­talyp, jaýyngerlik ázirlik pen atys kýrstarynyń jańa baǵdar­la­malary jasalýymen erekshelendi. Alqa otyrysynda áskerı oqý oryndarynda ofıserler daıyn­daý máseleleri de kóterildi. Ma­mandardy óz elimizde daıyndaý qajettiligi qadap aıtyldy. О́tip bara jatqan jyl ás­ker­lerdiń jaýyngerlik oqýy men oqý-jattyǵýlaryna toly boldy. Sol sebepti de, 2012 jyly negizgi kúsh ony jetildirýge, jeke qu­ramdy derbes oqytýǵa jáne «Qarýly Kúshterdiń 20 jyl­dy­ǵyna – Qazaqstannyń qaýip­siz­digin qamtamasyz etýge jum­sa­lyp, bizdiń janqııarlyq eńbegimiz» uranymen ótpek. Oksana PARPÝRA, Qorǵanys mınıstrligi baspasóz qyzmetiniń ókili.