Sapar maqsaty Memleket basshysynyń bes áleýmettik bastamasyn halyqqa túsindirýge arnaldy. Senatorlar oblystaǵy qalalar men shalǵaı aýyldarǵa baryp, eńbek ujymdarymen, aýyl eńbekkerlerimen jáne stýdenttermen kezdesýdi josparlap otyr.
Depýtattar búgin oblys ákimi Erlan Qoshanovpen kezdesti. Aımaq basshysy Senat depýtattarymen kezdesýde Elbasynyń bes áleýmettik bastamasyn túsindirý jóninde jergilikti aqparattyq toptardyń jumysy týraly aıtty.
– Parlament depýtattarymen kezdesýler bizdiń Memleket basshysynyń bastamalaryna tereń úńilýge múmkindik beredi, - dedi oblys ákimi. Bul bastamalar qaraǵandylyqtarǵa óte mańyzdy. Ol eń birinshi Qyzylorda-Jezqazǵan-Qaraǵandy-Temirtaý-Astana baǵyty boıynsha salynatyn «Saryarqa» gaz qubyrynyń qurylysy bolyp otyr. Bul qubyr bizdiń oblys turǵyndarynyń úshten ekisiniń ómirin jaqsartatyn bolady. Ol degenimiz – mıllıonǵa jýyq adam.
Georgıı Kım bes áleýmettik bastamany iske asyrý jónindegi aýqymdy jumystar alda turǵanyn habarlady.
– Memleket Prezıdenttiń bes áleýmettik bastamasyn iske asyrý úshin baza jasaýda. Búgin biz barlyq usynystardy eskerý úshin jaǵdaıdy bilýge Qaraǵandy oblysyna kelip otyrmyz, - dedi komıtet basshysy.
Búgin cenatorlar Georgıı Kım men Vladımır Volkov E.Býketov atyndaǵy Qaraǵandy memlekettik ýnıversıtetinde bolyp, professorlyq-oqytýshylar quramymen, stýdenttermen, magıstranttarmen jáne doktoranttarmen kezdesti. Shara barysynda depýtattar Prezıdent bastamalary, ásirese jastarǵa zor múmkindikter beretinin atap ótti. G. Kım men V. Volkov Memleket basshysynyń joǵarǵy bilim berý júıesin jańǵyrtýǵa baǵyttalǵan tapsyrmalaryna egjeı-tegjeıli toqtaldy. Senatorlar stýdent jataqhanalarynda turý jaǵdaıyna, joǵary oqý oryndarynda oqý úshin memlekettik granttaryn bólý jáne túlekterdi jumysqa ornalastyrý máselelerine basa nazar aýdardy. Senator V. Volkov óz sózinde ár otbasyna turǵyn úı satyp alýǵa arnalǵan turǵyn úı ıpotekasynyń sharttaryn jeńildetý jónindegi prezıdenttik bastamalardyń mańyzdy rólin atap ótti.
