Basqarma basshysynyń aıtýynsha, kóbesi sógilgen seńniń júrý qashyqtyǵy 1 myń 274 shaqyrymdy qurady. Sala mamandarynyń málimetinshe, mol sý Aralǵa quıar saǵasyndaǵy Aqlaq tospasynan esh kedergisiz ótken. Qurylymdardyń ózara is-qımyly nátıjesinde iri tabıǵı apattar men adam shyǵyny jáne zardap shegý jáıttaryna jol berilmedi. Qazirgi tańda ózen boıy tolyqtaı muzdan tazartylyp, sekýndyna 160 tekshe metr sý qabyldap tur.
- Eshqandaıda tótenshe jaǵdaı týyndaýy múmkin emes dep tolyqtaı aıtýǵa bolady. Aldaǵy ýaqytta keıbir buzylǵan qorǵanys bógetteri bolsa, gıdrotehnıkalyq qurylǵylardy jóndeý qajet etetin jerlerdiń bárin anyqtaý jumystary júrgizilýde. Tıisti joba smetalyq qujattar daıyndap, aldaǵy ýaqyttaǵy qarjylandyrý jumystary boıynsha jumystar júrgizilýde., - dedi S. Sermaǵambetov.
Naýryzdyń sońǵy kúnderi Qazaly aýdanyndaǵy Á.Tynybaev atyndaǵy Qazaly sý torabynyń deńgeıi kóterilip, darııa boıyndaǵy qorǵanys bógetterine qaýip tóndirgen bolatyn. Keptelgen muz saldarynan bógetti sý shaıdy. Sonyń saldarynan «Shaǵala» lagerin mańyna sý jaıylǵan.
Baqtııar TAIJAN,
«Egemen Qazaqstan».
