QR Bilim jáne ǵylym vıse-mınıstri Asxat Aımaǵambetovtyń aıtýynsha, mektep oqýshysy testti qaı tilde tapsyratynyn ózi tańdaıdy.
«Shynymen de, bıyl Ulttyq biryńǵaı testileýdi aǵylshyn tilinde tapsyrýǵa múmkindik bereıin dep otyrmyz. 10 naýryzda testti tapsyrý týraly ótinimder qabyldana bastady. Atalǵan jumys mamyrdyń ortasyna deıin jalǵasady. Sondyqtan aǵylshyn tilindegi testti kimniń jáne qansha adamnyń tańdaǵanyn ázirshe aıta almaımyz. Ony ótinish bildirý prosedýrasy aıaqtalǵanda bilemiz. Degenmen, aǵylshyn tilinde sabaq beretin keıbir mektepter odan qalys qalmaıtyn shyǵar», - dedi A.Aımaǵambetov Úkimet otyrysynan keıingi baspasóz máslıxatynda.
Onyń sózine qaraǵanda, aǵylshyn tilindegi suraqtardyń qazaqsha jáne oryssha nusqadan aıyrmashylyǵy joq.
«Aǵylshyn tilindegi suraqtar daıyn jáne test kitapshalaryna engizildi. Barlyq suraqtar oqý baǵdarlamasyn qamtıdy jáne bilim berý talaptaryna saı keledi. Qazaqsha bolsyn, oryssha bolsyn, mazmuny jaǵynan kóp aıyrmashylyq joq», - dep atap kórsetti A.Aımaǵambetov.
