Qazaqstan Respýblıkasy Úkimetiniń qaýlysy №1402

2011 jylǵy 30 qarasha,  Astana, Úkimet úıi «Retteletin naryqtardaǵy baǵany belgileý erejesin bekitý týraly» Qazaqstan Respýblıkasy Úkimetiniń 2009 jylǵy 3 naýryzdaǵy №238 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. «Retteletin naryqtardaǵy baǵany belgileý erejesin bekitý týraly» Qazaqstan Respýblıkasy Úkimetiniń 2009 jylǵy 3 naý­ryzdaǵy №238 qaýlysyna (Qazaqstan Res­pýblıkasynyń PÚAJ-y, 2009 j., №13, 93-qujat) mynadaı ózgeris engizilsin: kórsetilgen qaýlymen bekitilgen Retteletin naryqtardaǵy baǵany belgileý erejesinde: 8-tarmaq mynadaı redaksııada jazylsyn: «8. Baǵalardyń negizdiligin qaraǵan kezde ýákiletti organ: josparlanyp otyrǵan baǵa jobalaryn sol taýar naryǵynda nemese salystyrmaly taýar naryqtarynda, onyń ishinde Qazaqstan Respýblıkasynan tys jerlerde basqa sýbek­tiler belgilegen uqsas taýarlar (ju­mystar, qyzmetter) baǵalarymen; Sýbekt qoldanatyn ónimniń, taýarlardyń (jumystardyń, qyzmetterdiń) bir birligin shyǵarýǵa arnalǵan shıkizat, materıaldar, otyn, materıaldyq resýrstar energııasy shyǵysynyń normalaryn jáne (nemese) materıaldyq resýrstardyń jyldyq nor­malaryn memlekettik basqarýdyń tıisti sala­syna (aıasyna) basshylyqty júzege asy­ratyn memlekettik organ bekitken tıisti sa­lalyq normalarmen nemese salystyrmaly retteletin naryqtarda qyzmetter kórsetetin sýbektiler qoldanatyn normalarmen sa­lys­tyrý jolymen; Sýbekt personalynyń eńbegine aqy tó­leýge arnalǵan shyǵystardy salys­tyr­maly retteletin naryqtarda qyzmetter kórsetetin naryq sýbektileriniń eńbegine aqy tóleýge arnalǵan shyǵyndarmen; Sýbekt baǵalarynyń ulǵaıýyna áser etetin basqa da shyǵystarǵa salystyrmaly taldaý jolymen saraptama júrgizedi.» 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.