Baıqaý Eýropalyq Odaq pen Qazaqstan Respýblıkasy arasyndaǵy qatynastardy keńeıtýge ári nyǵaıtýǵa, ashyq dıalog qalyptastyrýǵa jáne Qazaqstan medıa qaýymdastyǵynda Eýropalyq Odaq týraly habardarlyqty jetildirýge baǵyttalǵan.
Baıqaý nátıjesinde EO ınstıtýttary (Eýropalyq Parlament, EO Keńesi, Eýropalyq Komıssııa, Eýropalyq syrtqy ister qyzmeti) men Brıýsselde medıa pýldy zerdeleý úshin bir aptalyq tanystyrý taǵylymdamaǵa qatysýǵa 3 jeńimpaz irikteletin bolady. Sonymen qatar jeńimpazdar Eýropalyq Komıssııanyń kúndelikti brıfıngterine qatysa alady jáne ishinara EO ınstıtýttarynyń jumys mehanızmderimen tanysady. Sondaı-aq jeńimpazdar 2018 jyl barysynda Qazmedıa Medıamektebiniń trenıngteri men semınarlaryna (Habar Agenttiginiń Sheberhanasy jobasy) qatysý múmkindigin alady. Taǵylymdama qorytyndylary boıynsha qatysýshyǵa EO О́kildiginiń, QR AKM jáne Qazmedıa Medıamektebiniń atynan usynys hat jáne sertıfıkat tapsyrylatyn bolady.
Konkýrstyq irikteý kezeńderi:
- 2018 jylǵy 30 sáýirge deıin ótinimderdi qabyldaý (ótinimdi osy jerden júktep alýǵa bolady). Talapker toltyrylǵan ótinimdi bardyq qosymsha faıldarmen jáne oǵan siltemelermen qosa joldaıdy.
- Bilikti qazylar alqasy men uıymdastyrýshy komıtettiń talapkerlerdi anyqtaýy, taǵylymdamaǵa qoıylatyn talaptarǵa sáıkes 2018 jylǵy 18 mamyrǵa deıin stıpendııalardy taǵaıyndaý.
- Jeńimpazdardy bekitilgen baǵdarlama boıynsha 2018 jylǵy maýsymnyń aıaǵyna deıin jiberý. Taǵylymdamanyń uzaqtyǵy joldy qosa eseptegende 1 apta.
Taǵylymdama talapkerlerin irikteý boıynsha bilikti qazylar alqasy:
- Ájıbaev Alan Ǵazızuly, QR Aqparat jáne kommýnıkasııalar vıse-mınıstri
- Traıan Hrıstea, Elshi, Qazaqstandaǵy Eýropalyq Odaq О́kildiginiń Basshysy
- Erlik Qarajan, «Qazmedıa ortalyǵy» basqarýshy kompanııasy» JShS Bas dırektorynyń strategııalyq damý jáne halyqaralyq yntymaqtastyq jónindegi orynbasary
- Mahabbat Esen, Medıamektep dırektory, jýrnalıst, tele-radıo júrgizýshi
- Elnara Baınazarova, Qazaqstandaǵy Eýropalyq Odaq О́kildiginiń Baspasóz hatshysy
