Balalar ádebıetiniń júırikteri

Lındgren syılyǵy

Astrıd Lındgrenniń qurmetine taǵaıyndalǵan syı­lyqtyń bıylǵy laýreaty amerıkalyq jazýshy – Jaklın Výdson. Otyzdan astam kitap avtorynyń shy­ǵarmalary negizinen jasóspirimder men bala­lar­ǵa arnalǵan. Onyń ataqty shyǵarmalarynyń biri – «Qaratory qyzdyń armany».

Qazylar alqasy: «Jaklınniń keıipkerleri ómir­den óz oryndaryn tabý úshin kúresedi. Avtor kún­delikti ómirdegi qaıǵy men úmittiń arasynan ǵa­­jaıyp poetıkalyq notany taba bilgen» dep ba­ǵa­lapty.

Lındgren syılyǵy – balalarǵa arnalǵan shyǵar­ma­lar báıgeleriniń ishindegi eń irisi. 2002 jyly balalar jazýshysy Astrıd Lındgren qaıtys bolǵannan keıin Shvesııa úkimeti taǵaıyndaǵan. Júldesi – 5 mıllıon shved krony (500 myń eýrodan astam). Bıyl bul báıgege 60 elden 235 úmitker qatysqan.

Andersen syılyǵy

«Publishers Weekly» basylymynyń habarlaýynsha, Bolondaǵy balalarǵa arnalǵan kitaptar jármeńkesinde Gans Hrıstıan Andersen atyndaǵy syılyq óz ıelerin tapty. Balalar ádebıetiniń Nobeli sanalatyn bul syılyqtyń bıylǵy júldegerleri – japon jazýshysy Eıko Kadono men úzdik sýretshi-ıllıýstrator reseılik Igor Oleınıkov. 

Eıko Kadononyń ataqty shyǵarmasy – «Kıkıdiń jetkizý qyzmeti» 1985 jyly Japonııada jaryq kórip, 2003 jyly AQSh-ta «Annick Press» bas­pa­synan basylyp shyqqan bolatyn. Korıko degen qalada turatyn mystan qyzdyń taǵdyryn sý­ret­teıtin bul kitap jelisimen keıin álemge áı­gili japon re­jısseri Haıao Mııadzakı sıkldi anı­ma­sııalyq fı­lm túsirgen. «Avtordyń shy­ǵar­ma­la­rynda sózben jetkize almaıtyn tartymdylyq, muń, ımpýls bar... Kadono únemi saıahattap jú­re­tinine qaramastan, onyń ómiri Japonııaǵa máńgi baı­lanǵan. Sol arqyly ondaǵy adamdardyń ártúrli taǵ­dyryn bizge jetkize biledi» delingen qazylar al­qasynynyń sheshiminde.

Igor Oleınıkov klassıkalyq ertegiler men tarıhı oqıǵalarǵa ıllıýstarsııa jasaýdan buryn Máskeýdegi «Soıýzmýltfılm» stý­dııa­syn­da anımator retinde óz kásibin bastaǵan. Oleı­nı­kovtiń shyǵarmashylyǵy týraly: «Bul ıllıýstra­tor qaǵazǵa jan bitirgende, áriptesteriniń ózi tań­ǵa­la­tyn­daı sheber. Ol ǵajaıyp keıipkerlerdi saldy. Sonymen qatar onyń shyǵarmashylyǵynyń óne boıynda orys kórkemóner mektebiniń stıli men sezimi bar», degen qazylar alqasy. 

Syılyq qyrkúıek aıynda Afına qalasynda ótetin Balalarǵa arnalǵan kitaptardyń Halyq­ara­lyq keńesiniń 36-shy Kongresinde tabystalady.