Kókshetaýdaǵy kolledj pedagogteri latynǵa kóshýge daıyn

Kókshetaý qalasynda J.Mýsın atyndaǵy joǵary qazaq peda­go­gıkalyq kolledjinde «Latyn grafıkasyna kóshý – oqýshylardyń fýnksııalyq saýattylyǵyn damytý quraly» ta­qy­rybynda praktıkalyq semınar ótti. Oǵan Sh.Ýálıhanov atyndaǵy Kók­shetaý memlekettik ýnıversıtetiniń ǵalym-fılologtary, atalǵan kolledj ustazdary jáne Aqmola oblysy mektepteriniń pán oqytýshylary qa­tysty. Elbasy «Bolashaqqa baǵdar: rý­hanı jań­ǵyrý» atty maqalasynda latyn álipbıine kóshý sebebin qazirgi za­manǵy tehnologııalyq ortanyń, kom­­­mýnıkasııanyń, HHI ǵasyrdaǵy ǵylymı jáne bilim berý prosesiniń erekshelikterine baılanysty eken­digimen túsindirgen bolatyn. Osy turǵydan kelgende ustazdar qaýymy latyn grafıkasyna ótýdiń tereń logıkasyna úńilip kórdi. Atap kór­setkendeı, latyn qarpine kóshý – Qa­zaqstan úshin tarıhı qajettilik,  álemdik ǵylymı jáne tehnologııalyq pro­sesterge qosylýdyń taǵy bir múm­kindigi. 

Sh.Ýálıhanov atyndaǵy Kókshetaý memlekettik ýnıversıtetiniń  fılolog ǵalymdarymen bolǵan pikir almasý barysynda el tarıhyndaǵy osyndaı irgeli oqıǵalardyń  ádisnamalyq aspektileri jáne negizgi mindetteri keńinen sóz boldy. Eń bastysy, pe­dagogter latyn grafıkasyna kó­shý jaǵdaıynda tilderdi oqytý ádis­temesin ázirleýdiń jáne álemdik aq­parattyq keńistikke shyǵýdyń negizgi joldarymen tanys­ty. Ásirese qazir álemde tilderdi je­ńildetý úshin barlyq jaǵdaı jasalýda ekendigi erekshe ataldy. Tipti qazaq tilinde álemniń kez kelgen núktesinde turyp ta gadjette jazýǵa múmkindik bar. Qazir zamanaýı tehnologııanyń damyp ketkeni sondaı, onlaın rejiminde kez kelgen máselelerdi sheshe berý de eshqandaı qıyndyq týdyrmaıdy. Osy turǵydan kelgende latyn gra­fıkasynyń arqasynda shet tilderin je­ńil ıgerýge úlken múmkindik týyp otyr. Onyń ústine álemdegi aq­pa­rattardyń 80 paıyzy latyn grafıkasymen taratylatyndyǵy belgili. Bul rette jastardyń jańa tilderdi, onyń ishinde aǵylshyn tilin meńgerýge kóshýi mańyzdy. Jastardyń tilderdi erkin meńgerýi baǵytynda J.Mýsın atyndaǵy kolledj pedagogteri arnaıy ádistemelik  ázirlegendigin de aıta ketý kerek. Sonymen qatar pedagogter latyn grafıkasyna kóshý bo­ıynsha stýdentterdi oqytýdaǵy jumys tájirıbesimen de almasty.  

Asqar TURAPBAIULY,
«Egemen Qazaqstan»

Aqmola oblysy