Sýretter ng.kz saıtynan alyndy
Syılyq úmitkerleri birneshe atalym boıynsha baıqaý arqyly irikteledi. Áý basta shyǵarmashylyqpen, ónermen aınalysatyn jandardy materıaldyq jáne qarjylaı qoldaý maqsatynda berilgen syılyqtyń jyldar óte atalymy kóbeıdi, aýqymy keńeıe tústi. Sońǵy jyldary syılyq «Ǵylym», «Bilim», «Sport» atalymdarymen ǵalymdar men muǵalimderdi, sportshylardy da qamtydy. Onyń syrtynda «Mesenattar klýby» músheleri qaıyrymdylyqpen de aınalysady.
Bıyl 150 úmitker táýelsiz qazylar alqasyna óz jumystaryn usynǵan bolatyn. Syılyqtyń ár atalymyna 8 adamnan kelgen. «Mesenattar klýby» qurylǵan 18 jyl ishinde 448 syılyq berilgen eken, sonyń 400-den astamy jeke tulǵalarǵa, 38 syılyq shyǵarmashylyq ujymdarǵa tabys etilgen. Syılyqtardyń barlyq qarjysy 226 mıllıon teńgeni quraıdy.
Saltanatqa oblys ákimi Arhımed Muhambetov te qatysyp, shyǵarmashylyq adamdaryn qoldap otyrǵan mesenattarǵa alǵys aıtty, syılyq ıelerin quttyqtady.
О́tken jyldan beri syılyqtardyń kólemi de ózgerdi. «Qazyna» syılyǵyna 1000000 teńge, al 35 jasqa deıingi jastarǵa beriletin «Shabyt» syılyǵyna 500 000 teńge belgilendi.
«Mesenattar klýby» syılyǵy «Teatr», «Ádebıet», «Vokal óneri», «Horeografııa», «Shyǵarmashylyq ujymynyń jetekshisi», «Mádenı mura» sııaqty basqa da atalymdarmen qatar «Jýrnalıstıkaǵa» da beriledi. Bıylǵy «Mesenattar klýbynyń» syılyǵyna áriptesterimiz «Habar» arnasynyń Qostanaı oblysy boıynsha tilshisi Maǵaýııa Qalıev pen «Vremıa» gazetiniń menshikti tilshisi Stanıslav Kıselev ıe boldy.
Názıra Járimbet,
«Egemen Qazaqstan»
Qostanaı
