Aımaqtar • 10 Sáýir, 2018

Jumys ýaqyt talabyna saı bolýy tıis

164 retkórsetildi

Qostanaıda kásipodaqtardyń bastaýysh uıymdarynyń tuńǵysh forýmy ótti

Elimizdegi kásipodaq bastaýysh uıymdarynyń forýmy tuńǵysh ret Qostanaıda ótti. Respýblıkalyq Kásipodaqtar federasııasynyń uıymdastyrýymen ótken forým «Bes áleýmettik bastama. Áleýmettik ınnovasııalar. Keleshek kelbeti» degen taqyrypty ózek etti.

Oǵan Qostanaı oblysyndaǵy bas­taýysh kásipodaq uıymdarynyń 260 bas­shysy men ókilderi, Parlament depýtattary, Eńbek jáne halyqty áleýmettik qorǵaý mınıstrligi men «Atameken» ulttyq kásipkerler pa­l­a­tasynyń mamandary qatysty. Alqaly jıynda Kásipodaqtar fe­derasııasynyń tóraǵasy Baqytjan Áb­diraıym jumysshylardyń áleý­mettik múddesin qorǵaıtyn uıym jumysyn búgingi ýaqyt talaby turǵysynan uıymdastyrý kerek­tigin tilge tıek etti. Elimizde qoǵam­dyq, ekonomıkalyq qatynastar óz­ger­gen jyldary kásipodaqtar uıym­darynyń jumysy da álsiredi. Eń­bek naryǵyndaǵy ózgerister bul uıym­­nyń burynǵydaı dańqyn, bedelin kemitkeni ras. Dúnıe júzinde kásipodaq qozǵalysynyń kemýine túrli sebepter bar. Jumysshylardyń bir jerde tu­raq­tap istemeýi, jumys berýshige qa­shyqtan (dıstansııalyq) jaldanýy ne­mese jumysshynyń derbes júrip ta­bys tabýy sekildi búgingi ýaqyttyń kóri­nisteri úshin kásipodaq uıymy, qoz­ǵalysy mańyzdy bolmaı qaldy. Alaıda álemdik deńgeıdegi kásipodaq qozǵalysynda mundaı ózgerister oryn alǵanymen, jumysshylardyń áleý­mettik jaǵdaıy báribir mańyzdy bolyp qala berdi.

Ýaqyt kásipodaq uıymy jumys iste­gen kompanııalardyń qarjylyq tabysy da artatynyn kórsetip otyr. Kásiporyndarda úshjaqty kelisim ja­salsa, áleýmettik máseleler durys qoıylsa, olardyń ınvestısııalyq tartymdylyǵy da artady eken. Al­paýyt kompanııalardyń ózi qar­jy­syn salatyn jerde ujymdyq keli­sim­sharttyń, kásipodaq uıymynyń bar-joǵyn baǵamdaıdy. Álemdegi mo­ıyny ozyq damyǵan elderde kom­panııalardaǵy jumysshylardyń eń­bek jáne áleýmettik ómiriniń sapasyn kásipodaq uıymy men ujymdyq keli­simshart bar-joǵyna qarap baǵalaıdy. Al ondaı ujymdyq kelisimshart eńbek kúniniń uzaqtyǵyn, eńbek demalysyn, qaýip­siz eńbek jaǵdaıyn odan ári da­my­týdy, genderlik tepe-teńdikti saq­taý sııaqty kóptegen máselelerdi qamtıdy. Federasııa tóraǵasy Ba­qyt­jan Ábdiraıym kásipodaq qoz­ǵalysynda damyǵan elderdegi táji­rıbelerden úırený kerektigin de es­kertti.

– Bastaýysh uıymdar óz jumysyn jan­dandyrýy jáne dástúrli qyz­metiniń aıasyn keńeıtýi tıis. Búginde kásipodaqtar álemniń damyǵan 30 elinde qabyldanǵan «О́mir súrý sapasy» atty kórsetkishti kásipodaqtarǵa engizýi qajet, – dedi Baqytjan Jaryl­ǵasynuly.

Forýmǵa qatysqan oblys ákimi Arhı­med Muhambetov Elbasy Nursultan Nazarbaevtyń bes áleýmettik bastamasynan týyndaıtyn máse­le­lerdi kásipodaq uıymdary basshy­lyqqa alýy qajettigin aıtty.

– Bastaýysh kásipodaq uıymdary ujym­dardaǵy áleýmettik máselelerdi kótere otyryp, olardyń zań aıasynda she­shilýine, áleýmettik turaqtylyqty saqtaýǵa atsalysady. Sonymen qa­tar memleket tarapynan jasalyp jatqan sharalardy, Elbasynyń bes áleýmettik bastamasyn eńbek ujymdarynda keńinen túsindirýimiz kerek, – dedi Arhımed Begejanuly. – Ob­lysta 21 úsh jaqty komıssııa ju­mys isteıdi. О́tken jyly bir myńnan astam jumysshynyń 120 mıllıon teń­ge aılyq jalaqylary óndirip berildi. Osyndaı eńbek daýlarynda úshjaqty kelisimsharttyń bereri de, qoǵamdyq mańyzy da joǵary.

Kásipodaq qozǵalysynyń lıderi Ba­qytjan Ábdiraıym aıtqandaı, kásipodaq uıymy jáne ujymdyq ke­lisimshart saqtalǵan jerde sybaılas jemqorlyqqa, kóleńkeli eko­nomıkanyń «syzbalaryna» jol berilmeıdi. Bir ókinishtisi, elimizdegi jumys berýshilerdiń kópshiligi ujymdyq kelisimshart arqyly árip­testiktiń naqty júıesin qurýǵa asyq­paıdy. Onyń mysaly Qostanaı oblysynda da bar. Búginde ujymdyq kelisimsharttyń qamtýy 56,5 paıyzdy quraıdy. Al ujymdyq kelisimshart ne­gizinen kásipodaq uıymy bar kásip­oryndarda jasalady. Sonymen qa­tar forýmda bastaýysh kásipodaq uıymdarynyń belsendiligin arttyrý, sol arqyly eńbek qaýipsizdigi men eńbekti qorǵaý, ujymdyq sharttardyń sa­nyn arttyrý, kásipodaq qataryna jas­tardy tartý qajettigi de sóz boldy.

Forýmda sóz sóılegen Májilis depý­taty Irına Aronova Úkimette eń­bek zańnamalaryna tolyqtyrýlar men ózgertýler engizý týraly zań jo­basy daıyndalyp jatqanynan habardar etip, kásipodaqtar jetek­shileri men belsendilerin osy zań jobasy jarııalanǵannan keıin óz usy­nystaryn jiberýge shaqyrdy. Sonymen qatar forýmda Sokolov-Sarybaı ken óndirý birlestigindegi kásipodaq uıymynyń tóraıymy Tatıana Sherstobıtova men basqa da bastaýysh kásipodaq uıymdarynyń jetekshileri sóz aldy.

Forým aıasynda Qazaqstan Kásip­odaqtar federasııasy men Qos­tanaı oblysy ákimdigi arasynda Eńbek qaýipsizdigi men eńbekti qor­ǵaý já­ne óńirde áleýmettik-eńbek daý­la­rynyń aldyn alý máseleleri boıyn­sha memorandýmǵa Kásipodaqtar fede­rasııasynyń tóraǵasy Baqytjan Ábdiraıym men Qostanaı oblysynyń ákimi Arhımed Muhambetov qol qoıdy.

Názıra JÁRIMBET,
«Egemen Qazaqstan»

QOSTANAI

Banner
Sońǵy jańalyqtar

Damýdyń sapaly kezeńi

Qazaqstan • Búgin, 09:01

Halyq únine qulaq asatyn memleket

Qazaqstan • Búgin, 08:57

«Qazaqmys» jospardy asyra oryndamaq

Ekonomıka • Búgin, 08:55

Turar týraly tolǵady

Rýhanııat • Búgin, 08:53

Ataýlar men esimder – eldiktiń belgisi

Qazaqstan • Búgin, 08:51

Altyn Orda tarıhy tarazylandy

Rýhanııat • Búgin, 08:48

Temir jol tasymaly jetildirile túsedi

Qazaqstan • Búgin, 08:43

Bir ótinishpen – birneshe qyzmet

Qazaqstan • Búgin, 08:42

Bolgarııada ótken basqosýǵa qatysty

Parlament • Búgin, 08:37

Qaterli isiktiń aldyn alýǵa bolady

Medısına • Búgin, 08:30

EAEO: endigi daý kómirge qatysty

Álem • Búgin, 08:26

Masyl bolma, asyl bol!

Qazaqstan • Búgin, 08:25

Benzın qymbattaı ma?

Qazaqstan • Keshe

«Syryńdy aıtshy, dúnıe...»

Rýhanııat • Keshe

Eń qysqa áńgime. Yrysbek Dábeı

Eń qysqa áńgime • Keshe

Eń qysqa áńgime. Amangeldi Seıithan

Eń qysqa áńgime • Keshe

Eń qysqa áńgime. Serjan Zákeruly

Eń qysqa áńgime • Keshe

Eń qysqa áńgime. Janat Jańqashuly

Eń qysqa áńgime • Keshe

Kitap oqyp, rýhanı baı bol

Qazaqstan • Keshe

Juldyzdaı aǵyp ótken

Aımaqtar • Keshe

«Kóktem aýylynyń» aqsaqaly edi

Rýhanııat • Keshe

Abaı ulaǵaty – urpaqqa amanat

Rýhanııat • Keshe

Qyrǵyz eli Abaıdy ardaqtady

Rýhanııat • Keshe

Uqsas jańalyqtar