Jıyn jeke turǵyn úı qurylysy úshin jer máselesi boıynsha qazirgi jaǵdaıdy talqylaýmen ashyldy.
2015 jyldan bastap oblysta turǵyn úı salý úshin 25,5 myń jer telimi berildi. Alaıda, kútý tizimderiniń sany azaımaı otyr, dep málimdedi aýyl sharýashylyǵy basqarmasynyń basshysy Qusaıyn Sársembaı. Máselen, 2017 jylǵy jeltoqsanda turǵyn úı qurylysyna 10 sotyq jerdi alý úshin 150 myńǵa jýyq ótinim tirkelse búgingi kúni 161 myńǵa jýyq.
Eń kóp usynys aqtóbelikterden - 128 myń, Alǵa aýdany - shamamen 14 myń, Mártók shamamen 5 myń jáne Muǵaljar Hromtaý aýdandary 4 myń adamnan túsken. Jer kezegi Oıyl jáne Qobda aýdandarynda joq.
Bıyl 14,2 myńnan astam ýchaskeni berý josparlanyp otyr.
Oblys ákimi bos jerlerge barlyq rezervterdi ınjenerlik kommýnıkasııalarmen qamtamasyz etý - aqtóbelik turǵyndarǵa on sotyq jerdi berýge múmkindik beredi dep tapsyrdy. Sondaı-aq, kim birneshe jyl boıy úı salmaı, jerdi nysanaly maqsaty boıynsha paıdalanbasa sol jerdi tartyp alýǵa jumysty kúsheıtýdi tapsyrdy. Bolashaqta tartyp alynǵan jerler kútý tizimderinde turǵandarǵa beriledi.
Budan basqa, turǵyn úı salý úshin jerdi berý jumystary Qarǵaly, Áıteke bı jáne Hromtaý aýdandarynyń ákimderine jedeldetýge baǵyttaldy.
Aýylsharýashylyq jerlerin paıdalaný týraly aıtqan oblys ákimi aýyl sharýashylyǵy basqarmasyn aýyl turǵyndaryna shabyndyqtar men jaıylymdar berý boıynsha synǵa aldy. Osylaısha, aýyl sharýashylyq basqarmasynyń basshysy Qusaıyn Sársembaıdyń málimetinshe osy jyly 142,5 myń gektar jer paıdalynylady, 8932,8 myń gektary mal jaıylymdyqqa jáne jem-shóp úshin jaramdy jer jalpy alańy 35% quraıdy.
– Biz aýyl turǵyndaryna – mal basy sanyn kóbeıtýdi aıtamyz, al basqarmalar men aýdan ákimderi osy maqsattarǵa tıimdi jerdi engizýde jumys istemeıdi. Sondyqtan jyl saıyn mal sharýashylyǵyndaǵy ósim 3-5%-dan aspaıdy. Aýyl turǵyndaryna ýaqtyly jáne qajetti mólsherde jer berilgen bolsa, jaǵdaı múldem basqasha bolar edi, – dep atap ótti Berdibek Saparbaev.
Jıyndy qorytyndylaı kele, oblys ákimi aýylsharýashylyq jerin tıimdi paıdalanýdy, turǵyn úı salý úshin jáne kommersııalyq maqsattaǵy jer ýchaskelerin únemi qadaǵalaýdy tapsyrdy. Sonymen birge, memlekettik sáýlet-qurylys baqylaý jáne jer ınspeksııasy basqarmalary paıdalanylmaǵan jerlerdi anyqtaý men alyp tastaý boıynsha kúsh-jigerdi biriktirýge mindettenedi.
Temir QUSAIYN,
"Egemen Qazaqstan"
