Jıynǵa Qazaqstan Respýblıkasynyń Mádenıet jáne sport mınıstri Arystanbek Muhamedıuly, Halyqaralyq qazaq kúresi federasııasynyń prezıdenti Qanat Bozymbaev, «Qazaqstan Barysy» qazaq kúresin damytý qorynyń tóraǵasy Arman Shoraev qatysty.
7-8 mamyr kúnderi Almatydaǵy halyqaralyq shańǵy tramplınderi kesheniniń arenasynda «Halyq Barysy» respýblıkalyq týrnıri ótedi. Jarys resmı túrde tirkelgen beldesý ulttyq jekpe-jek túri boıynsha uıymdastyrylady. 7 mamyr kúni ashylý saltanaty jáne merekelik shoý konsert bolsa, 8 mamyr kúni balýandar alańǵa shyǵady.
«Halyq Barysy» – Halyqaralyq qazaq kúresi federasııasy, «Qazaqstan Barysy» qazaq kúresin damytý qory jáne Almaty qalasy ákimdiginiń birlesken jobasy.
«Elbasy Nursultan Nazarbaev óziniń «Bolashaqqa baǵdar: rýhanı jańǵyrý» atty maqalasynda: «Jańǵyrý ataýly burynǵydaı tarıhı tájirıbe men ulttyq dástúrlerge shekeden qaramaýǵa tıis. Kerisinshe, zamana synynan súrinbeı ótken ozyq dástúrlerdi tabysty jańǵyrýdyń mańyzdy alǵysharttaryna aınaldyra bilý qajet. Eger jańǵyrý eldiń ulttyq-rýhanı tamyrynan nár ala almasa, ol adasýǵa bastaıdy» dep aıtqan bolatyn. Osyǵan súıene otyryp, biz ata-babamyzdan mura bolyp qalǵan beldesýdi zamanǵa saı etip halyqqa usynbaqpyz», dedi Halyqaralyq qazaq kúresi federasııasynyń prezıdenti Qanat Bozymbaev óz sózinde.
Jarystyń júlde qory 20 mıllıon teńgege jýyq. Týrnırge Qazaqstannyń barlyq aımaǵynan áýesqoı 1000-nan asa balýan qatysady dep kútilýde.
Raýan QAIDAR,
«Egemen Qazaqstan»
