Elbasynyń 2017 jylǵy Joldaýynda Qazaqstannyń Úshinshi jańǵyrýyn iske asyrý úshin alǵashqy basymdyq retinde el ekonomıkasyn jedel tehnologııalyq jańǵyrtý tańdap alyndy. Atalǵan basymdyqta dástúrli bazalyq salanyń damýyna serpin berý ekinshi keshendi mindet retinde belgilengen. Joǵaryda atalǵan taý-ken metallýrgııa salasyn damytýdyń keshendi mindetteriniń úshinshi tarmaǵyn júzege asyrý maqsatynda «Kazakhmys Holding (Qazaqmys Holdıng)» JShS-nyń «Kazakhmys Smelting (Qazaqmys Smeltıng)» JShS Jezqazǵan mys balqytý zavodynyń 2 ken qyzdyrý peshiniń (KQP) jumysyn jańa kúkirt qyshqyly sehyn salý arqyly 100% qýatqa jetkizý týraly sheshim qabyldandy. Bul sheshim «Kazakhmys Holding (Qazaqmys Holdıng)» JShS Strategııalyq damý baǵdarlamasy aıasynda, kenishter men fabrıkalardyń áleýetin eskere otyryp qabyldandy.
2009 jyly qoljetimdi shıkizat kóleminiń azaıýyna baılanysty zavod bir ken qyzdyrý peshiniń (KQP) jumys rejımine kóship, al ekinshi balqytý agregaty jumysyn toqtatqan bolatyn. Mys quramdy shıkizat kóleminiń ulǵaıýyn nazarǵa ala otyryp jáne bolashaqta Aqtoǵaı jáne Bozshakól baıytý fabrıkalarynyń iske qosylatynyn eskere kele, ekinshi ken qyzdyrý peshin (KQP) iske qosý týraly sheshim qabyldandy. Atalmysh sheshim «Kazakhmys Holding (Qazaqmys Holdıng)» JShS-nyń álemdik mys óndirý naryǵyndaǵy básekelestik qabiletin arttyrýǵa múmkindik beredi.
Ekinshi ken qyzdyrý peshin iske qosýdan bólek, jalpy ekologııalyq ahýaldy jaqsartý maqsatynda, aımaqta jańa kúkirt qyshqyly sehyn salý josparlanǵan. Tórtinshi óndiristik revolıýsııany júzege asyrý aıasynda jańa energııa únemdeýshi tehnologııalar engiziledi jáne qol eńbegin azaıtý úshin avtomattandyrý deńgeıi artatyn bolady.
«Jezqazǵan mys balqytý zavodyn tolyq qýatynda iske qosý jáne kúkirt qyshqyly sehyn salý, básekege qabilettilikti arttyrýdan bólek, Jezqazǵan aımaǵy úshin úlken áleýmettik mańyzǵa ıe. Turaqty jumyspen 600-deı adam qamtamasyz etiletin bolady. Memlekettik bıýdjetke túsetin túsimder júzdegen mıllıon teńgege ósedi» – deıdi «Kazakhmys Smelting (Qazaqmys Smeltıng)» JShS Bas dırektory Ádilet Barmenqulov.
Aınash ESALI,
«Egemen Qazaqstan».
ALMATY
