Aýyl taǵdyry – halyq taǵdyry

Keshe Qazaqstannyń sosıal-de­mokratııalyq «Aýyl» partııa­sy­nyń kezekten tys VIII sezi ótti. Oǵan partııanyń aımaqtyq óńirler tóraǵalary, aýylsharýa­shylyǵy men ónerkásibiniń, eko­­nomıkanyń basqa da salala­­ry­nyń eńbekkerleri, zııaly qaýym ókil­de­ri, belgili ǵalymdar, ǵy­lymı-zertteý ınstıtýttarynyń já­­ne jo­ǵary oqý oryndarynyń bas­shy­­lary men stýdentteri qatysty. Jıyn kezinde eki másele qaraldy. Biri – Qazaqstannyń sosıal-demokratııalyq «Aýyl» partııasynyń saılaýaldy tu­ǵyr­namasyn bekitý, ekinshisi – 2012 jyldyń 15 qańtarynda óte­tin Parlament Májilisine «Aýyl» partııasynan kandıdattar tizimin usyný jáne bekitý. Partııa tóraǵasy Ǵanı Qalı­ev «Aq qar, kóz muzǵa qaramas­tan, bizdiń keń baıtaq jerimiz­diń tórt buryshynan túgel sez­ge jınalǵandaryńyz úshin rıza­shylyǵymyzdy bildiremiz», dep sózin bastaı kele, bul jıynnyń Táýelsizdiktiń 20 jyldyǵy qar­sańynda uıymdastyrylyp otyr­­ǵanyna, táýelsizdiktiń máni men mazmunynyna toqtalyp ótti. Bizdiń elimiz egemen el retinde ózin áıgiledi, dáleldedi. Eli­miz­diń úlken halyqaralyq bedeli bar. Bul – shyndyq. Osy oraıda, sizderdi el Táýelsizdiginiń 20 jyldyǵymen quttyqtaımyn. Biz­diń partııanyń qatarynda 200 myńnan astam azamat bar. Biz elimizdiń jetistikteri men kem­shilikteriniń jaı ǵana kýá­ger­le­ri emespiz. Árıne, ár nársege synı kózqaraspen qaraǵanymyz durys. Biz – kópetnosty jáne kópkonfessııaly elmiz. Áleý­met­tik te, ekonomıkalyq ta salalarda qıyndyqtar bar. Son­dyqtan, nege qol jetkizdik, bo­lashaǵymyz qandaı bolmaq degen saýal bizdi mazalaıtyny anyq, dedi partııa jetekshisi. Ǵanı Qa­­lıev­­­tyń aıtýynsha, 2000 jyly negizi qalanǵan partııanyń Parlamentte aýqymdy fraksııasy bolǵan. Endi, mine, jańa saılaý ótpekshi. Demek, eldiń azamat­­ta­­ry, saıası partııa ókilderi retinde Qazaqstannyń búgini men bo­lashaǵy úshin alańdaý – zańdy­lyq. Biz osy maqsat jolynda birigip otyrmyz, dedi Ǵ. Qalıev. Bul kúni partııa ókilderi áleý­mettik-ekonomıkalyq baǵdarǵa ózderiniń saılaýaldy tuǵyrna­ma­syn jarııa etti. Onda «Aýyl» partııasynyń maqsat-mindetteri kórinis tapsa, partııa jetek­shi­si­niń aýyl máselesine qatysty aıt­­­qan oı-paıymymen partııa mú­shesi, jazýshy Dýlat Isabe­kov­tiń pikiri úndes shyqty. Biz bıliktiń sózin kóp sóılep kettik. Aýzy­myzdan bılik túspeı­tin boldy. Halyq ashyǵa qumar, táttiden jerinip bitti. Bala emes ol. Men bıliktiń jaǵasynan alaı­yq dep úgittep turǵan joq­pyn. Biraq halyqtyń turmysyn ashyǵyraq aıtýymyz kerek, dedi jazýshy. Sondaı-aq, ol ózine basqa partııaǵa múshe bolýǵa usynys túsip jatqanyn, alaıda ol «Aý­yl» partııasynda qalatynyn jetkizdi. Aýyldyń óte qıyn kezinde basymyz qosylǵan. Ábdi­jámil Nurpeıisov, marqumdar Zeınolla Qabdolov, Zeınolla Serikqalıev, kóptegen ǵalymdar osy partııanyń tóńiregine top­tas­ty. Aýyl degen tas qarańǵy, kebek jep, laı sý iship otyrǵan kezinde janymyz shyrqyrap, ara­shashy boldyq. Aýyldan shyq­­­qandardyń barlyǵy «Aýylǵa» múshe bolýy kerek. Másele, par­tııanyń jeńiske jetip, erteń Parlamentte otyrýynda ǵana emes. О́z basym «Aýyldyń» bedeli úshin kúresemin. Qolymnan kelgenshe. Al endigi Parlament Májilisine múshe bolatyn adam­dardyń ishinde quryǵanda ult­tyń múddesin qorǵaıtyn 10 adam kerek. «Aýyl» partııasy saı­laýda ótý úshin ǵana quryl­maǵan bolatyn. Maǵan unaǵany da sol edi. Saılaý ótkennen keıin kelesi jyly quryldy. Eger de elge, aýylǵa degen belgili bir baǵdarlamalar júzege asyp jatsa, bul, sóz joq, «Aýyl» par­tııa­synyń jetistigi, dedi D.Isabekov. Sezd kezinde jazýshydan bas­qa, partııanyń jergilikti óńir­ler­­degi ókilderi de sóz alyp, partııa­nyń maqsat-múddeleri jaı­ynda taratyp aıtyp berdi. Bul maqsat-múddeler «jer – ony óńdeıtin sharýa adamdaryna berilýi tıis», «urpaqtar sabaq­tas­tyǵy – Qa­zaq­stan damýy», «Mem­­lekettik til – memleket tuǵy­­ry», «halyq den­saý­lyǵy – Qa­zaqstannyń basty qundylyǵy», «Qazaqstan azamat­tary alańsyz ómir súrýi tıis» degen usta­nym­darǵa saıdy. Sezd sońynda partııa múshe­leri saılaýaldy tuǵyrnamany jáne partııa atynan saılaýǵa tú­setin kandıdattardyń tizimin bekitti. 15 qańtarda ótetin saı­laý­ǵa Qazaqstannyń sosıal-de­mo­kratııalyq «Aýyl» partııasy­nan 23 adam qatysady. Láıla EDILQYZY. Astana.