«SQ-Farmasııa» JShS Aqparattandyrý basqarmasynyń basshysy Nurbol Jumadildániń aıtýynsha, bul joba tegin medısınalyq kómektiń memleket kepildik bergen kólemi sheńberinde dárilik qamtamasyz etý úderisiniń ashyqtyǵyn qamtamasyz etýge arnalǵan.
Biryńǵaı dıstrıbıýtordyń Aqparattandyrý basqarmasynyń basshysy «Pasıentter syrqaty úshin emhana qandaı preparattarǵa tapsyrys bergenin kóre alady. Budan basqa, olar dereý sol jerde óz dárilerin alý maqsatynda medısınalyq uıymǵa qashan barý kerek ekenin retteý úshin, dárilerdiń kelesi jetkiziliminiń ýaqytyn da kóre alady.
Budan basqa, aqparattandyrý sheńberinde biryńǵaı dıstrıbıýtor Respýblıkalyq elektrondy densaýlyq saqtaý ortalyǵymen birlesip, medısınalyq uıymdar jumys isteýi tıis aqparattyq júıelerdi – Dárilik qamtamasyz etýdiń aqparattyq júıesin jáne biryńǵaı dıstrıbıýtordyń Biryńǵaı farmasevtıkalyq aqparattyq júıesin ıntegrasııalaý boıynsha jumys júrgizýde. Buǵan deıin júıelerdiń shashyrańqylyǵy statıstıkalyq esepke alýǵa da kedergi keltirip, jumysty da qıyndatyp kelgen edi, al olardyń árqaısysynda jeke jumys isteý edáýir ýaqyt alatyn.
«Sondaı-aq uıymnyń josparynda Biryńǵaı dıstrıbıýtordyń satyp alý rásimderin barynsha ashyq etýge múmkindik beretin satyp alýdyń elektrondy formatyna kóshý, biryńǵaı dıstrıbıýtor men medısınalyq uıymdar arasynda elektrondy ózara is-qımyl jasaýǵa kóshý bar. Aldyn-ala esepteýler boıynsha, qaǵaz tasymaldaǵyshtardan bas tartý respýblıka boıynsha jylyna 70 mln teńgege deıin únemdeýge múmkindik beredi. Joba 1 mamyrdan bastap eki aımaqta – Qaraǵandy jáne Aqmola oblystarynda qanatqaqty túrinde iske qosylǵan, al jyl sońyna deıin búkil el boıynsha elektrondy ózara is-qımylǵa kóshý josparlanyp otyr», dedi N.Jumadildá.
