N.Nyǵmatýlın meımandy elshilik qyzmetiniń bastalýymen quttyqtap, onyń memlekettik qyzmettegi mol tájirıbesi bizdiń elderimiz arasyndaǵy áriptestektikti odan ári nyǵaıtýǵa yqpal etetinine senim bildirdi.
Májilis Spıkeri atap ótkendeı, О́zbekstan Qazaqstannyń Ortalyq Azııadaǵy mańyzdy strategııalyq áriptesi.
Búginde qos el prezıdentteri Nursultan Nazarbaev pen Shavkat Mırzıeevtiń ózara túsinistik pen tatý dostyqqa negizdelgen birlesken is - qımyl nátıjesinde kópqyrly yntymaqtastyqty joǵary deńgeıde damytýǵa qol jetkizildi.
Palata Tóraǵasy aımaqtyq jáne shekaralyq áriptestiktiń damý deńgeıine kóńil bólip, osy jyly tuńǵysh «Qazaqstan – О́zbekstan» aımaqaralyq forýmy ótetinin, ol eki memleket arasyndaǵy saýda-ekonomıkalyq yqpaldastyqqa jańa serpin beretinin atap ótti.
Kezdesý barysynda mádenı salaǵa da aıryqsha nazar aýdarylyp, osy rette S.Nııazhodjaev eki eldiń ýaqyt synynan ótken tarıhı tamyrlastyǵyn alǵa tarta kelip, eki el basshylarynyń ótken jylǵy memlekettik is-saparlary ekijaqty qarym-qatynastyń jańa belesin bastaǵanyn aıtty.
Taraptar parlamentaralyq ózara is-qımyldy kúsheıtýdiń mańyzdylyǵyna toqtaldy.
Osy oraıda Májiliste qurylǵan О́zbekstanmen yntymaqtastyq jónindegi jáne Olıı Májilistegi Qazaqstanmen dostyq toptary ekijaqty, sonyń ishinde, parlamentaralyq baılanystardy tereńdetýde yqpaly zor ekendigi jáne olardyń áleýetin belsendi paıdalaný kerektigi aıtyldy.
