Aqtóbede oblys ákiminiń bastamasymen halyqaralyq forým ótti

Osy oraıda ót­­ken aptada Aqtóbede oblys ákimi Berdibek Sapar­ba­­­evtyń bastamasymen ót­ken halyqaralyq forým al­ǵa qoıǵan maqsatyn oryndap shyqty deýge bolady. Oǵan álemniń ár túpkirinen myń­­nan astam sarapshy qa­tysýy, geografııasynyń keń­digi taıaý jáne alys shetel­derdegi memlekettik organdar men bıznes ókilderiniń já­ne úkimettik emes uıym­dar qaýymdastyǵynyń bas­ta­r­yn qosýǵa túrtki bol­ǵa­ny fo­rýmnyń basty artyq­shy­ly­ǵy bolmaq. Eger osy qu­ry­lymdardyń arasynda ózara tıimdi yntymaqtastyq pen túpki nátıjeni alǵa ustaıtyn qarym-qatynastar bolmasa, áleý­mettik máseleler men prob­lemalardy sheshý isi tek qur­ǵaq sóz kúıinde qa­lyp qoıady. Bulaı bolma­ýy úshin ne isteý kerek? Osy saýalǵa oraı forýmda Izraıl, Túr­kııa, Polsha, Grýzııa jáne Qyr­ǵyzstan elderinen kelgen áleý­mettik salanyń jana­shyr­lary utymdy usy­nys­ta­ry men kóńilge qo­nym­dy oı-pikirlerin ortaǵa saldy.

Búgingi kúrdeli kezeńde áleý­mettik máseleler ózimen-ózi tuıyqtalyp, óz só­linde ózi qaınaı berýge tı­is­­ti emes. Onyń sheshimi kóp jaǵ­daıda kásipkerlik qu­­ry­lymdardyń áleýmetke qol­daýynan jáne áleýmettik-ká­sipkerlik turǵydaǵy baı­la­nystardyń tereńdeı tú­sýi­nen kórinis tabýǵa tıis. Halyqaralyq forýmnyń ashylý rásimi kezinde Eńbek jáne halyqty áleýmettik qor­ǵaý mınıstri Mádına Ábilqasymova sóz tıegin osy ar­nada sabaqtady. Belgili mem­leket aýqymyndaǵy qol­ǵa alynǵan ilkimdi istiń baılanar qazyǵy men tu­ǵy­ry bolsa, bul jaıt qolǵa alyn­ǵan sharýanyń oń nátı­je kórsetýine alǵyshart qa­­laı alady. Osy oraıda Mem­­leket basshysynyń bes áleý­met­tik bastamasy áleý­met­tik má­selelerdiń túıinin tar­qa­tý­dyń basty kilti bolyp tabyla­dy, dedi M.Ábilqasymova.

Sondaı-aq forýmda áleý­met­tik proble­ma­lardyń oń she­shimin tabýyna kómegin tı­gize alatyn kásipkerliktiń ja­ńa baǵyttary men joldaryn izdestirý jáne ony álemdik tre­­ndterdiń tasqynyna sáı­kes­tendirý ári ortaq halyq­ara­lyq tájirıbeni odan ári baıyta túsý jóninde qundy oı-pikirler aıtyldy.

Aqtóbe óńirinde jyl saıyn áleýmettik kásip­kerlik ny­sandar men memleket-je­ke­men­shik áriptestigi aıasyn­da boı kótergen sándi de sáý­­letti áleýmettik qury­lys­­tar keńinen qanat jaıyp ke­ledi. Onyń ústine bı­yl óńir­degi atqa­rýshy organ­dar men bıznes jáne ká­sip­ker­lik qurylymdar ókil­de­ri, úkimettik emes uıym­dar qaý­ymdastyǵy bir ja­ǵa­dan bas, bir jeńnen qol shy­ǵara oty­ryp, áleýmettik má­se­le­lerdi sheshý men retteý isine jańa serpin berdi. Onyń ishin­­de «Analarǵa taǵzym» já­­ne «Baqytty bala» jo­ba­la­rynyń shoqtyǵy bıik tur. Bir sózben aıtqanda, oblysta halyqaralyq forýmǵa qatysýshylar nazar aýdara alatyndaı oń mysaldar mol, úırenýge turarlyq úrdister de jetkilikti. Osy oraıda forým aıasynda óńirdegi nysandardy tanystyrý rásimi jáne semınarlar men jańa formattaǵy sheberlik klastary ótkizildi.

Temir QUSAIYN,
«Egemen Qazaqstan»

AQTО́BE

Sýrette: halyqaralyq forýmnan kórinis