Jambyl oblysyndaǵy «Jeńis» saıabaǵynda jańǵyrtý ju­mystary júrgizildi

Naqty aıtsaq, Jambyl oblysynyń ákimi Asqar Myr­zahmetovtiń bastamasymen Ta­raz qalasyndaǵy Baýyrjan Mo­myshuly atyndaǵy «Jeńis» saıabaǵyn qaıta jańǵyrtý ju­mystary júzege asyrylǵanyn jurt­shylyq jaqsy biledi. Shyn­dyǵynda osy ýaqytqa deıin atalǵan saıabaq qaraýsyz qal­ǵandaı kúı keship, munda kópshilik jıi bara bermeıtin bolǵan edi. Alaıda aınalasy bir aıdyń ishinde dańqty batyr atyndaǵy saıabaq qaıtadan jańǵyrtýdan ótip, kópshiliktiń kózaıymyna aınaldy.

Saıabaq qurylysyna bas-aıaǵy 300 jumysshy men 50 tehnıka jumyldyryldy. Sát saıyn shahardaǵy qurylys qarqyn alyp, saıabaq jańa kelbetke en­di. Sonymen qatar tur­ǵyndar tile­gine oraı «Jeńis» saıa­ba­ǵy mańyndaǵy Ilııas Jan­sú­girov kóshesine taǵy bir jo­laq qosylyp, keńeıtildi. Memorıaldy keshenniń kirebe­risine arnaıy qaqpa ornatyldy. Atalǵan keshenniń eki bas qaqpasynyń bıiktigi 8 metr, eni 13 metrlik mármár, travertın tastarynan qalandy. Onda kú­zet saqshylarynyń músini qoıylǵan.

Saıabaqtyń ortasynan «Máń­­gilik alaý» kesheni oryn al­ǵan. Sonymen qatar osy ýa­qyt­­qa deıin Jambyl oblys­tyq qazaq drama teatrynyń bir shetinde turǵan Baýyrjan Mo­­myshulynyń eskertkishi atal­ǵan saıabaqqa kóshirilip, munda kórermender úshin arnaıy alań­dar jasalǵan. Al «Ba­tyrlar» alleıasynda Jambyl oblysynan shyqqan 39 Keńes Odaǵynyń Batyry men 9 «Dańq» ordeniniń barlyq dárejeli ıegerleriniń esimderi jazylǵan úlkeıtilgen juldyzshalar ornatylyp, «Dańq» alleıasynda Jambyl oblysynan Ekinshi dúnıejúzilik soǵysqa qatysqan 105351 jaýyngerdiń esimi alty qatar mármár tasqa qashalyp jazyldy.

Saıabaqty jańǵyrtý ju­mystarynyń kelesi satysynda «Dańq» zalynyń qurylysy júrgiziledi. Munda soǵys jáne tyl eńbekkerlerine ar­nalǵan mýzeı salynatyn bolady. Alleıanyń ortasynda sonaý qıyn-qystaý jyldary tylda eńbek etkender úshin monýment, «Tyrnalar» me­mo­rıaldary, is-sharalar ót­kizi­letin arnaıy sahna ornatylady. Sonymen qatar munda Aýǵan soǵysy, Chernobyl apatyna qatysýshylar men Semeı polıgonynda jaýyngerlik boryshyn ótegenderdiń mo­ný­ment­­teri qaı­tadan ja­ńar­tylǵan túrde saıa­baqtyń kún­shyǵys be­tine jaı­ǵastyrylady.

 Saıabaqtyń aýmaǵyndaǵy 15 myń sharshy metrge abattandyrý, kógaldandyrý, kógerishtendirý jumystary júrgizildi. Munda segiz túrli aǵashtar otyrǵyzylyp, onyń aınalasy gúlzarlarmen kómkerildi. Bir aıta keterligi, atal­ǵan saıabaqtaǵy aǵashtar men gúlzarlardy baptaý úshin munda sý jelileri tartylǵan. En­di aldaǵy ýaqytta Qazybek bı kóshesi men Dinmuhamed Qonaev kóshesi aralyǵyndaǵy Úshbulaq kanalynyń boıynda demalýshylar úshin jaǵajaı jasalyp, bul jer velojoldarmen jabdyqtalady. Sol mańdaǵy kópir qaıta jóndeýden ótip, proton qoıylady.

 Búgingi tańda Baýyrjan Mo­mysh­uly atyndaǵy «J­eńis» saıabaǵy jambyldyq jurt­shy­lyqtyń ózara syrlasyp, ty­nyǵyp qaıtatyn ortalyǵyna aınaldy. Ári babalar erligin urpaqqa nasıhattaýda da atal­ǵan saıabaqtyń róli erekshe. Mun­daǵy «Erlik» memorıaldyq keshenindegi dańqty qolbasshy Baýkeńniń eskertkishi, onyń janyndaǵy soǵysta erlik kór­setken batyrlardyń jeke-jeke juldyzdary, odan keıin júz myńnan astam áskerdiń ja­zylǵan esimderi búgingi ur­paqqa pa­trıot­tyq rýh syılaıtyny aqıqat.

Hamıt ESAMAN,
«Egemen Qazaqstan»

Jambyl oblysy