«Tilderdi damytý men qoldanýdyń 2011-2020 jyldarǵa arnalǵan» memlekettik baǵdarlamasyn júzege asyrý aıasynda Atyraý oblystyq jastar saıasaty máseleleri jónindegi basqarma osyndaı ıgi is uıymdastyryp otyr. Bilikti mamandar dáris beretin oqý aptasyna úsh ret Jastar resýrstyq ortalyǵynda ótedi. Ortalyqtyń basshysy Serik Qadyrovtyń aıtýynsha, bastamaǵa qyzyǵýshylyq tanytqandar qatary kóp. Alǵashqy sabaq 11 sáýirde bastaldy, kýrs jyldyń aıaǵyna deıin júrgiziledi.
О́tken jyly oblystyq jastar saıasaty máseleleri jónindegi basqarmanyń uıytqy bolýymen áleýmettik jaǵynan az qamtylǵan 100 adam aǵylshyn tiliniń tegin kýrsyna qatysqan edi. Bıyl da bul úrdis jalǵasyn tapty. Sondaı-aq Atyraý qalasynyń 300 turǵynynyń jumysqa ornalasýyna kómek kórsetildi. Kompıýterlik saýattylyq deńgeıin kóterip, birneshe mamandyq boıynsha oqý kýrstarynan ótken jastar qazir turaqty qyzmette júr.
Baqytgúl BABASh,
«Egemen Qazaqstan»
ATYRAÝ
