Baıqaý qorytyndysy boıynsha qazaqstandyq áleýmettik medıa paıdalanýshylary jeke akkaýnttarynda AEF-tiń resmı heshtegterimen Forýmǵa nelikten barǵysy keletini taqyrybyndaǵy jazbalaryn nemese beınerolıkterin jarııalady.
Negizgi maqsaty Astana ekonomıkalyq forýmyn jastar arasynda nasıhattaý, jalpy buqaraǵa kún tártibindegi 11 syn-tegeýrinniń jáne is-sharany Global Challenges Summit-ke ózgertýdiń mánin ashý bolǵan baıqaý 4 jáne 15 mamyr aralyǵynda ótti.
Búgin Astana qalasyndaǵy «Hilton» meımanhanasynda «AEF–2018-ge baramyn» baıqaýynyń jeńimpazdaryn resmı marapattaý rásimi ótti.
Quramyna AEF Uıymdastyrý komıtetiniń ókili Dınara Joldaspaeva, «Jetinshi arnanyń» dırektorlar keńesiniń múshesi, prodıýser, tanymal telejúrgizýshi Láılá Sultanqyzy men belgili bloger, qoǵam qaıratkeri Ǵalym Baıtoq kirgen ádilqazylar júzden astam jumystyń ishinen eń úzdik beseýin iriktep aldy.
Jeńimpazdar AEF-ke tegin barý múmkindigine ıe boldy. Sonymen qatar aqtyq synǵa shyqqandardyń Astana ekonomıkalyq forýmynyń ataqty spıkerleriniń birimen fotoǵa túsýge keremet múmkindigi bar.
Baıqaý jeńimpazdary:
Áıgerim Tasbolat — Halyqaralyq bıznes jáne kommýnıkasııalar kolledjiniń stýdenti, Almaty qalasy;
Áıgerim Serikjanova — «Jas Otan» jastar qanatynyń ókili, Astana qalasy;
Sonar Erjan — «Mıras» ýnıversıtetiniń stýdenti, Ońtústik Qazaqstan oblysy;
Shaıhıslam Laıshanov — PHD doktory, Qazaq memlekettik qyzdar pedagogıkalyq ýnıversıtetiniń oqytýshysy, Almaty qalasy;
Nadıra Syrlybaeva — Ońtústik Qazaqstan memlekettik pedagogıkalyq ýnıversıtetiniń stýdenti, Ońtústik Qazaqstan oblysy.
