Jambyl mýzeıinde jańa joba

QR-kod aǵylshyn tilinde quick response degen sóz, ıaǵnı shu­ǵyl jaýap degen maǵynany be­redi. Sonymen qatar bul Denso-Wave japon fırmasy oılap tapqan mobıldi qurylǵynyń kamerasy arqyly zatty jyldam taný úshin aqparat beretin eki ólshemdi shtrıh kod bolyp tabylady. Sondyqtan da QR-kodtyń kómegimen kez kelgen aqparatty kodtaýǵa jáne aqparatty jyldam tanýǵa bolady.

Árıne bul búginde jádiger­lerdi tanýda ári sol jádigerler týra­ly aqparat alýda taptyrmas qural. Elbasy «Bolashaqqa baǵdar: rýhanı jańǵyrý» baǵdar­lamalyq maqalasynda aqpa­rattyq tehnologııalar qaryshtap damyp bara jatqan búgingideı zamanda IT salasyn damytpasaq, damyǵan 30 eldiń qatarynan kóriný qıyn ekenin aıtqan bolatyn. Búginde álemdegi órkenıetti elderdiń barlyǵy derlik sıfr­ly júıege kóshti. Endigi jerde Elbasy belgilep ber­­gen naqty baǵyt nátıjesinde sıfrlandyrý júıesine kóshý zaman talaby bolyp otyr.

«Mýzeı – eldiń tarıhyn, ult­tyq sanasyn jańǵyrtýshy meken. Urpaqtar arasyndaǵy sabaq­tas­tyqty jalǵaý, san túrli má­denıetterdiń arasyn jaqyndatý, baýyr­lastyq qarym-qatynas ornatý mýzeılerge júktelgen min­det. Bul rette Jambyl oblystyq ta­rıhı-ólketaný mýzeıi de mýzeı qoryndaǵy jádigerlerdi kórsetýde aldyńǵy qatarly tehnologııalardy qoldanýdy bastap ketti. Máselen, mýzeıde «Sıfrly Qazaqstan» baǵdarlamasy aıasynda jasalyp jatqan QR-kod jobasy iske asýda. Búginde mýzeı qoryndaǵy 64 myńnan astam eks­ponattyń 200-den astamyna sıfrly kod engizilip qoıdy. Qorymyzdaǵy qalǵan jádigerler men eskertkishterdi kodtaý kezeń-kezeńimen júzege asatyn bolady. Bul mýzeıge kelýshilerdiń ýaqytyn únemdeýge, ásirese smart­fondar men gadjetterdi kóp paıdalanatyn jas býyn úshin tıimdi ári olardyń mýzeıge, tarıhı jádigerlerge degen qyzy­ǵý­shylyqtaryn arttyratyn joba bolatynyna senimdimiz», deıdi mýzeı dırektory Gúlnur Emberdıeva.

Mýzeıdegi árbir jádiger men maketterdiń tusynda olar­dyń tarıhy týraly tolyq maǵlumat jazylǵan QR-kodtar orna­lastyrylǵan. Munda kelý­shiler smartfon nemese gadjet­terge júk­telgen arnaıy aqpa­rat­tyq qosymshany ashyp, taqt­a­daǵy shtrıhkodty sýretke túsi­rý arqyly jádigerler týraly málimetti saıt arqyly úsh tilde avtomatty túrde ala alady. Mý­zeı qoryndaǵy jádi­gerlerdi kodtaý jumystary arheo­logııa­lyq, nýmızmatıkalyq, etno­gra­fııalyq, qujattyq jáne beıneleý óneri toptamalary boıyn­sha kezeń-kezeńimen júzege asýda. Al ázirge QR-kod jobasynda qazaq, orys jáne aǵylshyn tilderinde aqparat beriledi. Bolashaqta munda qytaı jáne túrik tilderin qosý josparda bar. 

Hamıt ESAMAN,
«Egemen Qazaqstan»

Jambyl oblysy