Qazaqstannyń 8 óńiriniń balalar úıi tárbıelenýshileri Almatyda «Chempıonnyń joly» ataýymen elimizde alǵash ret ótkiziletin velojarysta bas qosady.
Bul jarysta 14-16 jas aralyǵyndaǵy balalar úıi men mektep-ınternattarda turatyn, jetim nemese ata-ana qamqorlyǵynan aıyrylǵan balalar kúsh-jigerin synaýǵa múmkindik alady.
Bıyl jeńimpaz komanda Týr de Frans syndy álemdegi eń bedeldi úsh velododanyń qataryna kiretin «Ispanııa Výeltasy» grand-týrynyń birneshe kezeńine qatysý múmkindigine ıe bolady.
Jeńimpaz komandaǵa esten ketpesteı qýanysh syılaıtyn velojarysty uıymdastyrýǵa uıytqy bolyp otyrǵan «BAURZHAN Foundation» jeke qory men «Olımp» sporttyq-rekreasııalyq ortalyǵy» chempınatqa qatysýshylardyń trassada óz kúshterin kórsetip jáne ony dáleldeýge úlken múmkindik bermek. Tulǵalyq bolmys, moraldyq jáne komandalyq rýhtyń nyǵaıýyna, balalardy salaýatty ómir saltyna daǵdylandyrýǵa baǵyttalǵan bastama ári balalardyń ózine, bolashaǵyna degen seniminiń nyǵaıýyna jol ashady. Al álemdegi úzdik «Ispanııa Výeltasy» grand-týryn óz kózimen kórip, kýmırlerimen kezdesý-balalar úshin ómirlerindegi esten ketpes sátke aınalary sózsiz.
Aınash ESALI,
«Egemen Qazaqstan».
ALMATY
