Konkýrs 16 men 18 mamyr aralyǵynda ótti. Birinshi kúni qatysýshylar jerebe alyp, oryndaý rettigin anyqtasa, ekinshi kúni - ıaǵnı 17 mamyrda konkýrstyń negizgi bóligi uıymdastyryldy. Onda konkýrsanttar 2 án oryndady, onyń biri Batyrhan Shúkenovtyń repertýarynan boldy.
Bıyl án saıysyna elimizdiń barlyq óńirlerinen jáne О́zbekstan memleketinen 25 oryndaýshy qatysty.
Qazylar alqasynyń quramynda Dılnaz Ahmadıeva, Rınat Gaısın, Erkesh Shakeev, Oljas Baıkanov (uzaq ýaqyt boıy Batyrhan Shókenov atyndaǵy qordyń dırektory bolǵan), sondaı-aq, QR Eńbegi sińgen qaıratker Erjan Ábdrahmanov bar.
Ádil qazy músheleri oryndaýshynyń árbir ániniń tehnıkasy men tembrine mán berip, daýys kúshi men ártistik qabiletin baǵalady.
Sonymen, Bas júlde Ońtústik Qazaqstan oblysynan kelgen Erik Tólenovke buıyrdy. Birinshi oryndy qaraǵandylyq Gúlnar Kóshenova, ekinshi oryndy Batys Qazaqstan oblysynan kelgen Sartýkov Aıymbek jáne úshinshi oryndy qyzylordalyq Indıra Baımbetova men astanalyq Kúláıim Qaıyrbaeva ıelendi. Sondaı-aq, Shókenovter otbasynyń arnaıy júldesimen almatylyq Eńsepov Syrymtaı, qala ákiminiń arnaıy júldesimen aqtóbelik Nurtas Omarov jáne qyzylordalyq Turǵanáli Sharapov marapattalsa, Qyzylorda oblysynyń mádenıet, arhıvter jáne qujattama basqarmasynyń arnaıy júldesi Mahanbetjanova Araılymǵa buıyrdy.
Esterińizge sala ketsek, Qyzylordada 16-18 mamyr kúnderi oblys ákimdiginiń qoldaýymen B.Shúkenov atyndaǵy "Otan - Ana" atty II respýblıkalyq ánshiler konkýrsy ótti. Sharanyń uıymdastyrýshylary - oblystyq mádenıet, arhıvter jáne qujattama basqarmasy jáne "Tańdaý" prodıýserlik ortalyǵy.
