Taqyryptyq saǵatqa Aqtaý qalasynyń jalpy bilim berý oryndary men gımnazııalardyń oqytýshylary jáne 150 jýyq oqýshylary qatysty.
Is-sharanyń maqsaty – memlekettik qyzmet týraly zańnamanyń negizgi talaptaryn, memlekettik qyzmet organdarynyń qalyptasý jáne damý kezeńderiniń ashyp kórsetý jáne akademııalyq ortada sybaılas jemqorlyqqa qarsy mádenıetti qalyptastyrý.
Sharany oblystyq bilim basqarmasy basshysynyń mindetin atqarýshy N.Qoıjanov ashyp, biryńǵaı saǵattyń maqsaty men mindetteri týraly qysqasha aqparat berip, «Adal urpaq» mektep klýbtarynyń 2017-2018j.j. oqý jylyndaǵy jumys nátıjeleri týraly baıandap ótti.
О́z kezeginde aýmaqtyq departamenttiń basshysy N.Jannazarova tyńdaýshylarǵa memlekettik qyzmet organdarynyń qalyptasýynyń negizgi kezeńderimen, memlekettik qyzmet salasyndaǵy zańnama talaptary boıynsha, qoǵamda sybaılas jemqorlyqqa qarsy mádenıetti qalyptastyrýdyń mańyzdylyǵy jáne Agenttik bastamasymen qolǵa alynǵan sybaılas jemqorlyq profılaktıkasy baǵytyndaǵy jobalar týraly sóz qozǵady.
Biryńǵaı saǵat barysynda mektep oqýshylary óz pikirlerin ortaǵa salyp, kókeıindegi suraqtaryn aýmaqtyq departament basshysyna tikeleı qoıýǵa múmkindikteri boldy. Oqýshylardyń arasynan Aqtaý qalalyq №13 orta mektebiniń túlekteri erekshe belsendilik kórsetti. Olar belsendi túrde suraq qoıýmen qatar, zamanaýı jaǵdaıdaǵy Qazaqstannyń bolashaǵyna qatysty óz kózqarastaryn bildirdi.
Is-shara Agenttik qyzmetiniń negizgi basymdyqtary, memlekettik qyzmetke kirý jáne qyzmetterdi elektrondyq formatta alý boıynsha beınerolıkterdi kórsetýmen aıaqtaldy.
Memlekettik qyzmet organdarynyń 20 jyldyǵyna arnalǵan Biryńǵaı taqyryptyq saǵat qala jáne aýdandardaǵy barlyq joǵary, kásiptik-tehnıkalyq jáne orta oqý oryndarynda uıymdastyrylyp, jalpy sany 25 myńǵa jýyq adamdy qamtydy.
Gúlaıym ShYNTEMIRQYZY,
«Egemen Qazaqstan»
