«Jeti О́ner» shyǵarmashylyq ortalyǵynyń uıymdastyrýymen osymen ekinshi jyl qatarynan ótkizilip otyrǵan óner saıysyna Qazaqstan, Reseı jáne Qyrǵyzstannan kelgen 30-dan astam jas ónerpaz qatysty.
Eki kúnge sozylǵan is-sharanyń maqsaty – pedagog-ustazdardyń, konkýrsanttardyń baıqaý barysynda ózara dostasýyna jol ashý, bilim berý salasynyń pedagogıkalyq qyzmetkerleriniń shyǵarmashylyq qyzmetin damytý, balalar men jastarǵa kórkem estetıkalyq tárbıe berý jáne daryndy jastarǵa shyǵarmashylyq turǵydan qoldaý kórsetý. Sonymen qatar, ulttyq ortany qalyptastyrýǵa jol kórsetip sýyryp salmalyq, ámbebaptyq qabiletterine basa den qoıý (aqyndyq, sheshendik sheberligi, túrli ulttyq aspapta oınaý, t.b.) tabıǵı tanymdyq qabiletterin aıqyndaý.
О́ner baıqaýy «Aspapta oryndaýshylyq óneri», «Dástúrli án óneri», «Án salý óneri», «Horeografııalyq óner», «Mádenı-tynyǵý jumysy» jáne «Beıneleý óneri jáne Sándik óneri» nomınasııalary boıynsha júrgizildi.
Baıqaýǵa elimizge belgili mádenıet qaıratkerleri men óner maıtalmandary qazylyq jasady.
– Uly Abaı óz qarasózinde: «Teginde adam balasy, adam balasynan aqyl, ǵylym, ar, minez degen nárselermen ozbaq. Odan basqa nársemen ozdym ǵoı demektiń bári de aqymaqtyq» degen eken. Ǵasyr ǵulamasynyń qanshama jyldar buryn aıtyp ketken danalyǵy, kúni búginge deıin óz ómirsheńdigin joıǵan emes. Rasymen de, búgingi ǵasyr – jańalyǵy jelmen jarysqan, oı órisi ǵaryshpen talasqan zańǵar jastardyń zamany. Ulttyq tól ónerimizdi dáripteý jáne mártebesin kóterý maqsatynda ótkizilgen «Jeti О́ner» festıvali – árbir jastyń keleshegine jol ashady. Osy tusta Júsip Balasaǵunnyń: «Ár bala juldyz, jarqyraýyna járdem et» degen sózi eske túsedi. Zaman talabyna saı, álem keńistiginde bilim dodasynan taısalmaıtyn jas jetkinshekterdi tárbıeleý basty paryz, – deıdi shara uıymdastyrýshylary.
Qyzdar Ýnıversıtetiniń atynan qatysqan Jansaıa Sársenbaı men Nazerke Jumabek baıqaýda «Aspapta oryndaýshylyq óneri» atalymy boıynsha óner kórsetip, saıystyń birinshi aınalymynda kúıshi-kompozıtor Ermurat Úsenovtyń «Kerbez sulý» kúıin, al ekinshi kezeńde kúıshi Málǵajdar Áýbákirovtyń shyǵarmasyn oryndady. Baıqaý qorytyndysy boıynsha oqý ornynyń stýdentteri qazylar alqasy tarapynan joǵary upaıǵa qol jetkizip, bas júldege ıe boldy. Aıta keteıik, stýdentterdi festıvalǵa О́ner jáne mádenıet fakýltetiniń aǵa oqytýshylary Dıdar Ahmetjanova men Aısulý Muqanova daıyndady.
