Otyrys barysynda údemeli jańǵyrtý jumystaryn júrgizý, jańa tehnologııalardy qoldaný jáne sıfrlandyrý turǵysynan ınvestısııalyq saıasat jáne elimizdiń odan ári ekonomıkalyq ósiminiń keleshegi máseleleri talqylandy. Sheteldik taraptyń Keńeske energetıka, ekologııa jáne munaı-gaz salalarynyń máseleleri, eńbek zańnamasyn jetildirýge, sondaı-aq adam kapıtalyn damytýǵa jáne sheteldik jumys kúshin tartýǵa qatysty usynystary qaraldy.
ShIK aıasynda 5 jáne 6 maýsym kúnderi Baqytjan Saǵyntaev kóptegen jyldar boıy Qazaqstan ekonomıkasyna ınvestısııalar salýshy iri halyqaralyq kompanııalardyń basshylarymen jáne ókilderimen birqatar kezdesýler ótkizdi. Yntymaqtastyqty odan ári keńeıtý jáne nyǵaıtý, jańa ınfraqurylymdyq jobalardy qurý jáne áreket etýshilerin tıimdi iske asyrý máseleleri talqylandy.
Olardyń arasynda Eýropa qaıta qurý jáne damý bankiniń prezıdenti S. Chakrabartımen, «Beıker Makenzı Interneshnl» kompanııasynyń qurmetti tóraǵasy Edýardo Leıtemen, CNPC International dırektorlar keńesiniń tóraǵasy Van Chjonsaımen, «Shevron» kompanııasynyń atqarýshy vıse-prezıdenti Djeıms (Djeı) Djonsonmen, Shell kompanııasynyń bas atqarýshy dırektory Ben van Bıordenmen, GE Oil&Gas prezıdenti jáne bas atqarýshy dırektory Lorenso Sımonellımen, Eýropa, Taıaý Shyǵys, Afrıka óńirleri boıynsha Citigroup bas atqarýshy dırektory Djeıms Koýlzben, «Lýkoıl» prezıdenti V. Alekperovpen, TMD boıynsha Deloitte bas atqarýshy dırektory Ian Koýlbernmen, Marubeni Corporation vıse-tóraǵasy Shıgerý Iаmazoemen, Exxon Mobil Production Company prezıdenti Nıl Ý. Daffınmen, EMEIA (Eýropa, Taıaý Shyǵys, Úndistan jáne Afrıka) óńiri boıynsha Ernst and Young kompanııasynyń basqarýshy seriktesiniń orynbasary Rýdı Braspen, Polpharma kompanııasynyń baqylaý keńesiniń tóraǵasy Ejı Starakpen, Deutsche Bank AG Ortalyq jáne Shyǵys Eýropa boıynsha óńirlik basqarmasynyń bas atqarýshy dırektory Iıorg Bongartspen, «Strategııa jáne Kóshbasshylyqty damytý» baǵyty boıynsha PwC jahandyq kóshbasshysy Bler Shepardpen kezdesýler ótkizildi.
